PROGRAM MI PONJI MA SEGI
Icopo timo ang’o tek jubesendi mananu?
Som Thangambere 37:23-28; 39:17-23 pi ninwang’u ponji i lembe ma Yozefu utimo kinde ma jubesende mananu.
Ng’ii i lembe m’ugwaku kum kpawane. Ang’o m’uketho jusendo Yozefu mananu? (Tha. 37:3-11; 39:1, 6-10) Ugam ukwayu Yozefu ucir masendi pi kare ma rukani? (Tha. 37:2; 41:46) Yehova utimo ang’o ni Yozefu i kind saa maeno, ento etimo ngo ang’o?—Tha. 39:2, 21; w23.01 mba. 17 udu. 13.
Mond i thuc mi kpawane. Biblia unyutho ngo ka nyo Yozefu ucero bang’e kinde ma dhaku pa Pothifar ukelo adote mi vupo i wiye. Giragora m’ulubo e romo konyowa nenedi ninyang’ i thelembe ma copere uketho Yozefu ung’iyo nibedo ling’ kunoke m’ubenyutho nia wambe ku yeny mi ng’eyo lembe ceke m’utimere? (Rie. 20:2; Yoh. 21:25; Tic. 21:37) Copere nia kite ma kani m’ukonyo Yozefu kinde ma jubesende mananu?—Mik. 7:7; Luka 14:11; Yak. 1:2, 3.
Nen ponji m’icopo nwang’u. Pieno penjiri kumae:
-
‘Calu m’atie jalub pa Yesu, ukwayu abed m’ang’eyo nia juromo senda mananu i ayi moko ma kanigi?’ (Luka 21:12, 16, 17; Ebr. 10:33, 34)
-
‘Acopo yikara nenedi pi ning’eyo lembe m’abitimo kinde ma jubesenda mananu?’ (Zab. 62:7, 8; 105:17-19; w19.07 mba. 2-7)