OTKUR MA WIW—MI PONJI Dwi mir 6 2020
Gazeti maeni utie ku thiwiwec ma jubiponjo niai i yenga mi nindo 3-30, dwi mir 8, 2020.
“Nyingi bed leng’”
Thiwiwec mi 23: Yenga mi nindo 3-9, dwi mir 8, 2020. Dhanu ceke gicikiri ning’eyo nia Yehova Mungu kende re m’utie ku twero mi bimo, man wabekuro kud ava ma dit nindo ma nyinge bidoko i ie leng’ mi magwei. Pirang’o eno tie lembe ma lee dit? Man emulo kumwa ke nenedi? Ka wanyang’ i dwokowang’ penji maeno ku mange bende, eno bikonyowa kara mer mwa ku Yehova udok tek magwei.
‘Rib adundena kara alwor nyingi’
Thiwiwec mi 24: Yenga mi nindo 10-16, dwi mir 8, 2020. I thiwiwec maeni wabiweco iwi lembe moko ma Daudi uyero ni Mungu i rwo pare ma nwang’ere i Zaburi 86:11, 12. Nilworo nying’ Yehova thelembene tie ang’o? Pirang’o ukwayu wanyuth woro ma thuc pi nying’ ma dit maeno? Man nilworo Mungu copo gwokowa nenedi kinde ma wabenwang’ara i wang’ abidhe mi timo lembe ma rac?
Penji mi jusom
Nyo kite ma tung’ tung’ ma jukwanu i Jugalatia 5:22, 23 kende re m’utie “nying’ tipo”?
‘An gira, abisayu rombe para’
Thiwiwec mi 25: Yenga mi nindo 17-23, dwi mir 8, 2020. Pirang’o dhanu moko ma gitimo ni Yehova ku bedopwe pi oro ma dupa giweko nidikiri ku cokiri? Mungu ubeparu ang’o pigi? I thiwiwec maeni, wabinwang’u dwokowang’ penji maeno. Wabineno bende lapor mi dhanu moko ma Biblia uweco pigi, ma pi saa moko gigam gitimo tung’ ku lembe ma Yehova ukwayu i bang’gi. Man wabineno nia kite ma Yehova ukonyo kogi ubemio iwa ponji ma kani.
“Wudwog i bang’a”
Thiwiwec mi 26: Yenga mi nindo 24-30, dwi mir 8, 2020. Yehova ubemito umego ku nyimego ma giweko nirweyo lembanyong’a man ma dong’ gibino ngo i coko gidwog i bang’e. Waromo timo lembe dupa pi niketho cwiny umego ku nyimego ma gikwio i tipo, ma gibemito gijol lwong’o pa Yehova ma e: “Wudwog i bang’a.” I thiwiwec maeni, wabineno lembe ma wacopo timo pi nikonyogi kara gidwog i bang’e.
