Dwokowang’ penji mi Biblia
Nyo dubo mwa copo wekere de?
Biblia yero nia dhanu ceke tie judubo. Walagu pidoic ma rac ma terowa i dubo i bang’ ng’atu ma kwong’a, niwacu Adamu. Eno ketho saa moko watimo lembe ma reco ma ang’eyang’o dok mondo i iwa i ng’eye. Yesu Kristu ma Wod Mungu uculo pi dubo mwa kinde m’etho piwa. Lam mi gony m’ethiero uketho dubo mwa copo wekere. Eno tie giramiya m’uai i bang’ Mungu.—Som Jurumi 3:23, 24.
Dhanu moko gitimo dubo ma pek man gibepenjiri ka nyo Mungu copo timo igi kisa. Ento lembe ma ber utie nia, Lembe pa Mungu wacu kumae: “Rimb Yesu ma Wode ulonyowa kud i dubo ceke.” (1 Yohana 1:7) Tek wanyutho nia andha walokara, Yehova tie ayika niweko kadok dubo mwa ma pek rukani de.—Som Isaya 1:18.
Wacikara nitimo ang’o kara dubo mwa wekere?
Tek wabemito nia Yehova uwek dubo mwa ci, mito wakeponj lembe i wiye kara wanyang’ i kite m’etimo ko lembe, wanyang’ iwi ponji pare man lembe m’ebekwayu watim. (Yohana 17:3) Yehova weko kud abamba dubo mi dhanu ceke m’uweko timo migi ma reco man ma gilokiri.—Som Tic mi Jukwenda 3:19.
Etie iwa tek akeca ngo ninwang’u bero i wang’ Mungu. Yehova ng’eyo ng’ico mwa. Enyang’ kudwa man e ber lee. Nyo mer ma thuth ma Yehova tie ko e zoo copo cweli ngo niponjo lembe lee i wiye?—Som Zaburi 103:13, 14.