Saa moko wan ceke can mondo i iwa. Ka wabewinjara kumeno, eno nyutho ngo nia wang’ic i thenge mi tipo. Kadok Yehova de unyutho nia en de ebed enwang’ere ku can saa moko. (Th 6:5, 6) Dong’ wacopo timo ang’o ka wanwang’u nia wang’ ma pol can m’i cwinywa ubenurowa lee nisagu?

Kway kony i bang’ Yehova. Yehova dieng’ lee mandha nia wabed ku leng’kum ma ber i paru man i kite ma wawinjara ko. Eng’eyo kinde m’anyong’a ubenegowa man kinde ma can unyay i iwa. Enyang’ i thelembe m’uketho wabeparu lembe moko man m’uketho wabewinjara i ayi moko. (Zb 7:9b) Lembe ma pire tek zoo utie nia Yehova dieng’ piwa; eromo konyowa ninyego ku can mir adundewa man kadok turcwiny.—Zb 34:18.

Gwok paru peri. Paru ma cuu ngo copo bedo kud adwogi ma rac iwi anyong’a mwa man iwi winjiri mwa ku Yehova. Pi thelembe maeno re ma waii nigwoko adundewa, niwacu paru ma thuc m’upondo i iwa.—Rie 4:23.

NEN VIDEO MA THIWIYE TIE KITE M’UMEGO MWA GIBEKWO KO KU KWIYOCWINY KADOK KUD I KIND TURCWINY, MAN I NG’EYE DWOK WANG’ PENJI M’ULUBO E:

• Lembang’o ma pigi tek ma Nikki utimo pi ninyego ku turcwiny?

  Dwokowang’ lembe peri

• Pirang’o Nikki unwang’u nia ukwayu ecidh esay kony i bang’ munganga?—Mt 9:12

  Dwokowang’ lembe peri

• Nikki ujengere iwi Yehova i ayi ma nenedi pi ninwang’u konyi?

  Dwokowang’ lembe peri