Dhanu dupa gimbe ku genogen iwi ju ma gitie ku dito. Jucopo cwakugi de, kum niai con, dhanu ma dupa ma gi weg dito gibed gitiyo rac ku ditone pi ninwang’u bero migi gigi. (Mik 7:3) Watie ku foyofoc lee, pilembe juponjo judong cokiri cuu kara gitii ku dito migi pi bero mi dhanu pa Yehova.—Es 10:3; Mt 20:25, 26.

Tung’ ku weg dito mi ng’om maeni, judong cokiri gitimo tic migi mi neno wi dhanu pa Mungu nikum mer ma gimaru ko dhanune man Yehova. (Yh 21:16; 1Pe 5:1-3) I the telowic pa Yesu, jukwac maeno gikonyo jarweyman niwinjere ma ber i kind juruot pa Yehova ma gibetimo ire, man nibedo ceng’ini kude. Gitimo pio pio pi nikonyo rombe pa Yehova i thenge mi tipo, man gikonyogi nyazoo zoo tek lembe moko wok m’uneno yath man ka peko ma rek urubogi. Kan itie ku yeny mi kony moko, kud ilwor nilwong’o jadit cokiri moko mi cokiri peri.—Yk 5:14.

NEN VIDEO MA THIWIYE TIE JUKWAC MA GIBEGWOKO ROMBE, MAN I NG’EYE DWOK WANG’ PENJI M’ULUBO E:

• Nyamego Mariana unwang’u bero nenedi i kum kony ma judong cokiri umiyo ire?

  Dwokowang’ lembe peri

• Umego Elias unwang’u bero nenedi i kum kony ma judong cokiri umiyo ire?

  Dwokowang’ lembe peri

• I ng’ey m’ineno video maeni, pidoic peri tie ang’o iwi tic ma judong cokiri gibetimo?

  Dwokowang’ lembe peri