Juwodho nyathibuku Jukani m’Ubetimo Yeny pa Yehova Tin? kara wang’ii ie karacelo ku dhanu ma waponjo kugi Biblia, nja iwang’ ponjiman kunoke ing’eye. * Ponji mi 1 nitundo mir 4 konyo dhanu ma wabeponjo kugi Biblia ning’iyo kudwa wa Jumulembe pa Yehova, ponji mir 5 nitundo mir 14 konyogi ging’ei tic mwa, man mir 15 nitundo mi 28 nyutho kite ma dilo mwa wotho ko. Ka yeny moko masegi uwok ungo rek m’ukwayu judak iwi ponji moko, wang’ mapol etie ber magwei nilubo nyathibuku maeno ku dhoge. Ponjiman umaku mbaya acel kende, pieno juromo weco i wie ku dhanu mapol ma waponjo kugi Biblia, pi dakika niai abic nitundo apar.

• Tel nen pa ng’atu m’ibeponjo kude iwi penji ma tie bende thiwiwec mi ponji ma wubeng’io ie

• Wusom ponjine, zoo wang’ acel kunoke nok nok

• Wuwec iwi lembe ma wuai wusomo. Pieno, tii ku penji ma nwang’ere i the mbaya, ku cal ma tung’ tung’. Ikind giragora ma jumio, wusom man wuwec iwi moko m’ingio. Nyuth ire kite ma thiwiwec ma thindho thindho ma col bii udwoko ko wang’ penji madit ma tie thiwiwec

• Tekene sanduku “Kara inyang’ lee” utie, wusome man keth cwinye nia etii ku lembe ma juyero i ie