25:1-12

Kadok Yesu umio lapor mi jumanyir apar ma sumba asagane ni Jukristu ma juwiro ku tipo, re ponji m’i ie utie ku kony ni Jukristu ceke. (w15-F 15/3 mba. 12-16) “Wuki, kum wung’eyo cenge kadi saane de ngo.” (Mt 25:13) Nyo icopo koro thelembe mi lapor maeno mi jumanyir apar?

• Cwar mugole (verse mi 1)​—Yesu

• Jumanyir ma riek man ma gibedo ayika (verse mir 2)​—Jukristu ma juwiro ku tipo ma gitie ayika pi nitimo tic ma jumio igi man ma giberieny calu der nitundo i ajiki (Flp 2:15)

• Kok: “Nen, cwar mugole!” (verse mir 6)​—Lanyuth mi bedonuti pa Yesu

• Jumanyir ma jukusegu (verse mir 8)​—Jukristu ma juwiro ku tipo ma gicidho nirombo ku cwar mugole, ento gikiyo ngo man gigwoko ngo bedopwe migi

• Jumanyir ma riek gikwero nimio moo ni ju ma jukusegu (verse mir 9)​—I ng’ei ma jubiketho ayi ma tokcen i kum Jukristu ma juwiro, saa bibedo mbe ni ju m’ugwoko bedoleng’ migi nikonyo ju m’ugwoko ngo bedoleng’ migi

• “Cwar mugole [utundo]” (verse mir 10)​—Yesu bikelo pokolembe yor i ajiki mi masendi ma dit

• Jumanyir ma riek gimondo i foc mi nyom karacelo ku cwar mugole, e juciko dhugola (verse mir 10)​—Yesu ucoko i polo dhu ju ma juwiro ma gigwoko bedoleng’ migi, ento ju m’ugwoko ngo bedoleng’ migi ke gikoso sukulia migi m’i polo