KAMPANY MA SEGI
Pi nidaru lwiny, Ker pa Mungu bitimo ang’o?
I ng’om zoo, lwiny ubemedere nitimo rufaka: Ebekelo nyoth man can. Ke nen rapor ma tung’ tung’ m’uweco pire:
“Dhanu m’utho i lwiny i oro m’ukadhu eni, asagane i ng’om mir Ethiopia ku mir Ukraine, wendgi ukadhu m’i oro mange ceke, ke niai i oro 1994.”—Peace Research Institute Oslo, Nindo 7, dwi mir 6, 2023.
“Lwiny mir Ukraine utie acel m’i kind lwiny ma reco akeca m’utimere i oro 2022. I ng’om zoo, rop mi lemgamba umedere pasent 27 iwi dak i oro m’ukadhu eni, man peko mi lembene umulo kum dhanu ma romo miliar 1.7.”— The Armed Conflict Location & Event Data Project (ACLED), Nindo 8, dwi mir 2, 2023.
Biblia umiyo genogen. Ewacu nia “Mungu m’i polo biketho ker ma binyothre ngo rondo ku rondo.” (Daniel 2:44) I the Ker kunoke bimobim maeno, Mungu ‘bikwio lwiny cil i kajik mi ng’om.’—Zaburi 46:9.