MEDIRI NIKIYO!
Jukristu m’ubedikiri i lwiny: Biblia uyero ang’o?
Calu ma lwiny m’utimere i Ukraine unyutho, judong dini dupa ma Jukristu giyawu kum dhanu nia gidikiri i lwiny. Kenen kite ma judong dini mi ng’omman ubediko ko cing’gi pi nicwaku theng ng’om migi:
“Yung man foyofoc ma dit ubed ni jurumony mwa ma gicero bang’ ng’om ma thugi mir Ukraine i dhu ju m’ubesendogi . . . Adunde mwa, rwo mwa man diko cing’ mwa utie thirithiri piwu.”—Wec pa Épiphane I ma tie Askofu ma dit mir adhura mi Kiev ma jukiewo i The Jerusalem Post, nindo 16, dwi mir 3, 2022.
“Calu ma Moscou ubemedere ku lem lwiny i ng’om mir Ukraine, jadit mi dini mi Orthodox mi Russie uthiero misa ma segi ceng’ yenga ni jurumony mi Russie m’etielo ko cwinygi nia gicer bang’ ng’om ma thugi ‘pilembe gin re ma gicopo timo lembene’.”—Reuters, nindo 3, dwi mir 4, 2022.
Nyo ukwayu Jukristu gidikiri i lwinyi? Biblia uyero ang’o?
Lembe ma Biblia ubeyero i andha
Biblia ubeyero nia ju ma gibelubo tok Yesu i andha gimondo ngo i lem lwiny.
“Dwok palamularu peri kakare, kum dhanu ceke ma giting’o palamularu, gibitho de ku palamularu.”—Matayo 26:52.
Nyo ng’atu m’ubecwaku kunoke m’ubekiedo lwiny nwang’u ebeworo ndhu andha wec ma Yesu uyero?
“Abemiyo iwu cik ma nyen, nia wumeruru i kindwu; tap calu m’amaruwu, wun bende wumeruru i kindwu. Ni kum lembe maeni dhanu ceke bing’eyo nia wu julubna, tek wumeruru i kindwu.”—Yohana 13:34, 35.
Nyo ng’atu m’ubediko cinge i lem lwiny nwang’u ndhu andha ebenyutho kit mer ma Yesu uyero nia jubing’iyo ko julub pare?
Pi ninyang’ lee, som thiwiwec “Peut-on concilier guerre et christianisme?”
Jukristu man lwiny tin eni
Nyo etie lembe ma winjere nia Jukristu kud gidikiri i lwiny tin eni? Eyo. Biblia ular uyero nia i rundi mwa eni ma tie nindo ma julwong’o nia “kajik ceng’,” dhanu moko bibedo nuti m’uai kud i thek ceke ma “kadok lwiny de gibiponjo kendo ngo,” nimakere ku lembe ma Yesu uponjo.—Isaya 2:2, 4.
Pi ninyang’ lee, som thiwiwec m’uwok i Otkur ma Wiw m’uwacu: “La guerre: qu’en pense Dieu?”.
Ceng’ini eni Yehova, a “Mungu mi kwiyocwiny,” bitiyo ku bimobim pare mi polo pi nibodho dhanu “kud i masendi man kud i rop.”—Jufilipi 4:9; Zaburi 72:14, B.L.L.
Pi ning’eyo ayi m’ebitimo ko lembene, nen video ma thiwie uwacu: Ker pa Mungu tie ang’o?
a Yehova utie nying’ Mungu ma dhe.—Zaburi 83:18.