I nindo 19, dwi mir 5, 2022, le Conseil de sécurité des Nations Unies uweco ku jurutic ma dongo ma kadhu 75 ma giyero nia, “thong’om mi Korona man yamu m’ubelokere, udaru nyayu peko mi camu i ng’om, man lwiny mir Ukraine udok umedo lembe udoko rac magwei i ng’om zoo, ma lembene copo nyayu bende ndru i ng’om moko.” I ng’eye ndhu ndhu, gazeti moko (The Economist) uwacu nia “lwiny umedo can ameda i ng’om ma lembene biketho ndru ma dit bipodho i ng’om.” Biblia ular uyero nia kit ndru ma kumeno bibedo nuti i rundi ma wabekwo i iye eni, re enyutho bende gin ma romo konyowa pi ninyego ku lembene.

•    Yesu uyero kumae: “Kum thek bikiedo i kum thek, ker de i kum ker, man ndru ku digidi bibedo nuti i kabedo ma tung’ tung.”​—Matayo 24:7.

•    Buku mi Lembanyutha uweco pi juring kana ang’wen mi lapor. Acel m’i kindgi ubenyutho lwiny. Ma kucelo m’ubelubo ng’eye ke ubenyutho ndru, niwacu nindo ma nwang’u cam bibedo tek i iye man ma dhanu bing’iewe i bei ma tek. Biblia uyero kumae: “Aneno, man nen, riuni ma col. Ng’atu m’ubedo i wiye maku mukero i cinge. Awinjo gin moko ma calu dwal . . . m’uwacu kumae: ‘Kilo acel mir ayi nganu m’ucelo julworo ku cul pi tic mi ceng’ acel. Kilo adek mi kodhi mange ma calu nganu julworo ku cul pi tic mi ceng’ acel.’”​—Lembanyutha 6:5, 6, La Sainte Bible en Alur.

 Lembila maeno m’uweco pi ndru ubepong’o tin eni, ma tie nindo ma Biblia ulwong’o nia “kajik ceng’.” (2 Timoteo 3:1) Pi ninyang’ lee iwi “kajik ceng’” man iwi juring’ kana ang’wen mi buku mi Lembanyutha, nen video ma thiwiye tie Ng’om udoko rac ma sagu niai i oro 1914, man som thiwiwec “Les cavaliers de l’Apocalypse : qui sont-ils ?”

•    Biblia utie ku juk ma beco i iye ma romo konyowa kara wanyeg ma ber ku peko ma wanwang’ara ko, uketho i iye bei cam ma tek man kadok ndru bende. Nen jukne moko i thiwiwec “Comment vivre avec moins.”

•    Bende, Biblia umiyo iwa genogen nia lembe biyikere. Eng’olo nia nindo moko “cam bibedo dit i ng’om” man ng’atuman bibedo ku cam dupa m’ecam. (Zaburi 72:16) Pi ninyang’ lee iwi genogen ma Biblia uweco pire pi nindo m’ubino, man gin m’unyutho nia etie genogen mandha, som thiwiwec “Une espérance réelle pour des jours meilleurs.”