MEDIRI NIKIYO!
Lwiny ku yamu m’ubelokere, unyayu can cam i ng’om zoo—Biblia ke uyero ang’o?
Lwiny mir Ukraine kud adwogi mi yamu m’ubelokere, ubemedere ninyayu can cam i ng’om zoo. Pekone utie asagane i ng’om m’udongo, kaka ma nwang’u cam utie tek i iye ni dhanu dupa.
“Lwiny, yamu m’ubelokere, culo mac mi kura man lembe mange, uketho nifuro cam man ninwang’e utie lembe ma tek.”—Eno wec pa António Guterres, jagor ma dit mi ONU, Nindo 17, dwi mir 7, 2023.
“Jururieko ubewacu nia, calu ng’om mi Russie udolo cinge i kum tero cam i ng’om ma woko, eno binyayu peko mi can cam i ng’om zoo, man ebiketho bei cam bibedo tek i ng’om ma tung’ tung’ ma can n’i igi, asagane i Afrika ma yo malu man i Asie.”—Atalayar.com, Nindo 23, dwi mir 7, 2023.
Kenen gin ma Biblia uyero pi can cam man pi nindo m’ubino.
Biblia ular uewo pi can cam
Yesu uwacu kumae: “Thek bikiedo i kum thek, ker de i kum ker, man ndru . . . bibedo nuti.”—Matayo 24:7.
I Biblia, buku mi Lembanyutha ukoro pi juring kana moko mi lapor. Jaring kanane acel ubenyutho lwiny, ma kucelu m’ubelubo ng’eye ke ubenyutho ndru, ma tie saa ma cam utie nok i iye man ma beine lir lir. “Aneno . . . kana macol owok kakeca. Man ngati mubedo i wiye omaku kilo aryo i cinge. Man awinjo gin moko ma calo dwol . . . muwacu kumae: ‘Atoko acel pa ngano otye pi cul mi nindo acel, man atoko adek pa ngano mange matung otye de pi cul mi nindo acel.’”—Lembanyutha 6:5, 6, The Bible in Alur Catholic Edition.
Lembila maeni m’uweco pi can cam, gibepong’o tin i nindo mwa ma Biblia ulwong’o nia “kajik ceng’.” (2 Timoteo 3:1) Pi ning’eyo lembe dupa iwi “kajik ceng’” man iwi juring kana ang’wen m’i Lembanyutha, nen video Ng’om udoko rac ma sagu niai i oro 1914 man som thiwiwec “Les cavaliers de l’Apocalypse : qui sont-ils ?”
Kony ma Biblia copo miyo
Biblia utie ku juk dupa mi rieko ma copo konyowa ninyego ku peko ma wabenwang’ara ko, uketho i iye bei cam m’uidho man kadok pi peko mi can cam. Jukne moko nwang’ere i thiwiwec “Kite m’iromo kwo ko ku jamcingi ma nyanok.”
Biblia ubemiyo iwa bende genogen nia lembe biyikere i nindo m’ubino. Eng’olo nia nindo bibedo nuti ma “cam bibedo dit i ng’om” man ng’atuman bicamu i kadhiri m’emito. (Zaburi 72:16) Pi ning’eyo lembe dupa iwi genogen eno man pi gin ma copo ketho cwinyi bedo tek pire, som thiwiwec “Une espérance réelle pour des jours meilleurs.”
Nen bende
MEDIRI NIKIYO!
Lwiny i ng’om mir Ukraine unyayu peko mi cam i ng’om zoo—Biblia uyero ang’o?
Biblia ular uyero pi peko mi camu ma bibedo i ng’om, ento emiyo bende genogen man juk ma romo konyowa pi ninyego kawoni ku lembene.
MEDIRI NIKIYO!
Ceng’ m’uberieny akeca nikadhu mukero—Biblia uyero ang’o pire?
Nyo peko eni m’ucoko ng’om zoo, bithum nindo moko de? Nyo genogen utie nia lembe biyikere i nindo m’ubino?
ESSENTIAL BIBLE TEACHINGS
Pirang’o Mungu uweko can umedre asu cil tin?
Dhanu dupa gibed gipenjiri nia pirang’o ng’om upong’ kud adegi man masendi. Biblia udwoko wang’ penji maeno i ayi ma nyang’ujo man ma juko cwinywa.
WATIE JUKANI?
Kway jubin juliewi
Wuwec iwi ponji mi Biblia kunoke ponj lembe lee iwi Jumulembe pa Yehova.
