I mombwa ma pir mi nindo 24 dwi mir ario, 2022, ng’om mi Russie ucaku coro juaskari pare i ng’om mir Ukraine, kadok nwang’u judongo ma neno wi ng’om zoo gibeii nia lwiny ubed umbe de. Lwiny maeno copo kelo matoke ma kani iwi ng’om? I kind nindo moko nyanok i wang’e, António Guterrese ma tie jagor ma dit mi ONU uwacu kumae: “Fodi wang’eyo ngo nia lwiny maeno bikelo peko man nyoth ma rukani iwi dhanu, bende wang’eyo ngo kite m’ebinyotho ko bedomoth mi ng’om mir Europe man mi ng’om zoo.”

•   Yesu Kristu ular uyero nia saa moko bibedo nuti ma “thek bikiedo i kum thek, ker de i kum ker.” (Matayo 24:7) Pi nineno gin ma Biblia unyutho iwi lwiny ma tin ubetimere m’ubepong’o lembila ma Yesu uyero, som thiwiwec m’uwacu “Quel est le signe des « derniers jours » ?” (Giranyutha mi ‘kajik ceng’’».)

•   Buku mi Lembanyutha ukoro pi lemlwiny i ayi m’eweco ko pi jaring kana moko m’ubedo iwi ‘kana ma kwar ngbo’ man ebekabu “kwiyocwiny cen kud i ng’om.” (Lembanyutha 6:4) Pi ninyang’ i kite ma lembila maeni ubetimere ko tin, som thiwiwec m’uwacu: “Les cavaliers de l’Apocalypse : qui sont-ils ?” (Juring kana ang’wen ma juweco pigi i Lembanyutha gitie jukani?)

•   Buku pa Daniel ular uyero pir ali ma bibedo i kind “ubimo ma yor ariwa ma malu” kud “ubimo ma yor ariwa ma piny.” (Daniel 11:25-45) Pi ninyang’ nia pirang’o jucopo yero nia Russie ku ju m’udiko cing’gi kude gitie ubimo ma yor ariwa ma malu, a nen video ma thiwiye Une prophétie qui s’accomplit : Daniel chapitre 11 (Lembila m’ubepong’o: Daniel thek 11.)

•   Buku mi Lembanyutha uweco bende pi “lwiny mi ceng’ ma dit pa Mungu ma Jategokpo.” (Lembanyutha 16:14, 16) Re lwiny maeni lundo tie ngo kit lwiny ma tin wabeneno thek ubekiedo i kindgi e. Kara inyang’ lee iwi lembe maeno mi nindo m’ubino, som thiwiwec m’uwacu “Lwiny mir Armagedon tie ang’o?”

•   Biblia uyero nia Mungu ‘bikwiyo [bidaru] lwiny cil i kajik mi ng’om.’ (Zaburi 46:9) Pi ning’eyo lembe lee iwi lembe ma Mungu ung’olo pi nindo m’ubino, som thiwiwec m’uwacu “Une espérance réelle pour des jours meilleurs” (Genogen mandha pi nindo ma ber m’ubebinoUne espérance réelle pour des jours meilleurs).

•   Yesu uponjo julubne girwo kara Ker pa Mungu ubin. (Matayo 6:9, 10) Ker maeno tie bimobim ma n’i polo ma bipong’o yeny pa Mungu pi ng’om, ma kud i yeny pa Mungune junwang’u bende kwiyocwiny pi ng’om zoo. Tek imito ing’ey bero ma Ker pa Mungu bimiyo iri, wakweyi inen video ma thiwiye tie Ker pa Mungu tie ang’o?

 Jumulembe pa Yehova ma wendgi kadhu elufu dak acel pier ario wi abung’wen (129 000) gikwo i ng’om mir Ukraine. Calu Jumulembe m’i ng’om mange, gin bende gibelubo lapor pa Yesu ma gibekwero ko nimondo i lemgamba man nidiko cing’gi i lwiny m’ubetimere. (Yohana 18:36) I wang’ ng’om zoo, Jumulembe pa Yehova gibemediri nitwong’o pi ‘lembanyong’a mi Ker,’ ma Kerne kende re ma bidaru lembe m’ubesendo dhanu; uketho i iye bende lwiny. (Matayo 24:14) Wabekweyi ilwong’wa kunoke ikiew iwa (Kwai jubin juliewi) tek imito ing’ey lembe lee iwi rwonglembe mi Biblia ma miyo genogen.