Nindo 24, dwi mir 5, 2022, lembe moko ma rac mandha utimere i dhura ma nok mi Uvalde, i Texas, États-Unis. Nimakere ku gazeti The New York Times, “jaranek moko umondo kud atum man enego awiya 19 ku juponji ario . . . i ot somo mi primer mi Robb.”

 Ku lembe ma rac, kit lembe maeno ma reco ubetimere dong’ thiri thiri magwei. Gazeti USA Today ukoro nia i États-Unis kende ci, “jukilo atum wang’ 249 i ot somo ma tung’ tung’ i oro m’ukadhu eni, nisagu m’i wang’e ceke niai i oro 1970.”

 Pirang’o lembe ma reco maeno ubetimere? Wacopo nyego nenedi ku kit timo ma reco ma kumeno? Nyo nindo moko lembe ma reco bithumi? Biblia udwoko wang’ penji maeno.

•    Biblia ukoro nia nindo ma wabekwo i iye utie nindo mi “kajik ceng’,” nindo ma dhanu bimaru “ngo dhanu wagi” man gibibedo dhanu “ma kwiny” ma bitimo lembe ma reco man mi rop. Ju ma gibetimo lembe maeno “gibimediri nitimo lembe ma reco nisagu.” (2 Timoteo 3:1-5, 13) Pi ning’eyo lembe lee, som thiwiwec “La Bible a-t-elle prédit la mentalité et la conduite des gens de notre époque ?”

 Dhanu dupa gipenjiri nia, ‘Pirang’o Mungu ubecero ngo lembe ma reco, ma calu ve kilo atum i somo?’ Pi ninwang’u dwokowang’ lembe mi Biblia, som thiwiwec “Pourquoi les innocents souffrent-ils ?”

•    “Gin ceke m’ukiewere yang’ con i Lembagora ukiewere pi ponji mwa, kara ni kum . . . jukojuk ma wanwang’u i Lembagora, wabed ku genogen.”​—Jurumi 15:4.

 Cik mir ukungu mi Biblia copo konyi ninyego ku lembe ma reco m’ubetimere i ng’om maeni. Pi ninyang’ lee, som gazeti Réveillez-vous ! i thiwiwec “La violence cessera-t-elle un jour ?”

 Pi ning’eyo ayi ma jurunyodo romo konyo ko awiya migi ninyego ku lembe ma reco ma nyayu ndiri, som thiwiwec “Enfants et actualités troublantes.”

•    “Ebiwaru ng’eyong’ec migi . . . [kud i masendi man] rop.”​—Zaburi 72:14.

•    “Gibithiedho palamularu migi ni kwejdhiang’, man tong’ migi ni uligu; thek biting’o palamularu kum thek ungo, kadok ponjo ng’eyo ali de gibiponjo kendo ngo.”​—Mika 4:3.

 Mungu bitimo gin ma dhanu copo timo ngo. Ker pare m’i polo binyotho atum ku rop ceke cen ku wi ng’om. Pi ninyang’ lee iwi gin ma Ker pa Mungu bitimo, som thiwiwec “Sous le royaume de Dieu, ‘la paix abondera.’”