MEDIRI NIKIYO!
Jururieko mi sians gibecoro saa ma ng’om binyothere i iye i wang’e—Biblia ke uyero ang’o?
I nindo 24 dwi mi 1, 2023; jururieko mi sians giciko saa a m’ubenyutho nindo ma ng’om binyothere i iye. Giciko saane ceng’ini i kum diewor, pi ninyutho nia dong’ ajiki mi ng’om ni ceng’ini.
“‘Saa ma ng’om binyothere i ie’ ubenyutho ariti mi nyoth ma dhanu uberoyiri i iye gin gigi. Ceng’ kas’ario m’ukadhu eni, jururieko gicoro nindo mi nyoth maeno ceng’ini magwei nisagu m’i wang’e, ke pi lwiny m’ubekadhu i Ukraine, pi lworo mir atum ma dongo ma juyiko, man pi yamu m’unyothere m’ubemiyo peko.”—AFP International Text Wire.
“I ceng’ kas’ario eno, jururieko mi sians ginyutho nia ‘saa ma ng’om binyothere i iye’ ucoro segonde 90 i kum diewor; niwacu ceng’ini mandha ku nyoth mi armagedon.”—ABC News.
“Jururieko mange dupa de gimiyo cimowang’ ma nia copere dhanu bikelo nyoth i wigi gigi nisagu m’i wang’e zoo.”—The Guardian.
Nyo ajiki mi dhanu ku ng’om maeni andha udhingo ceng’ini? Nyo ukwayu wabed ku lworo pi lembe ma bitimere i nindo m’ubino? Biblia ke uyero ang’o?
Lembe ma bitimere i nindo m’ubino
Biblia uyero nia “ng’om bedo mi nja” man dhanu de ‘bibedo i ie mi nja.’ (Eklizia 1:4; Zaburi 37:29) Pieno, dhanu binyotho ng’om maeni tak de ngo, kadi ni uvuru de gibidwoke ngo.
Re kadok kumeno, Biblia uweco bende pir ajiki. Ku lapor, eyero nia “ng’om ubekadhu woko.”—1 Yohana 2:17.
Pi ninyang’ pi gin ma Biblia uyero pir ajiki mi ng’om, wakweyi isom thiwiwec m’uwacu: “Nyo ng’om ubecidho i ajikine?”
Pi ning’eyo lembe ma Biblia uyero pi saa m’ajiki bitundo i iye, som thiwiwec m’uwacu: “Quand la fin du monde viendra-t-elle ?”
Bed ku nen ma cuu
Biblia copo konyowa nibedo ku nen ma cuu kadok kud i kind peko m’i ng’om maeni. Nenedi?
Biblia ubemiyo iwa juk mi rieko. (2 Timoteo 3:16, 17) Ku lapor, som thiwiwec m’uwacu: “Comment ne pas vous laisser submerger par l’inquiétude” pi nineno kite ma Biblia copo konyi ko nibedo ku nen ma cuu kadok itie ku peko i kwo peri de.
Biblia ubemiyo genogen mandha pi nindo m’ubino. (Jurumi 15:4) Ekoro tap gin ma watie ku yenyne kawoni man pi nindo m’ubino, ma copo konyowa nibedo ma cwinywa tek kadok i lembang’o m’ubetimere i ng’om maeni.
Kara inyang’ lee i Biblia, wakweyi ikeibil ponji mi Biblia ma waponjo ko dhanu m’umbe cul.
a “Saa ma ng’om binyothere i iye utie ayi ma juketho pi nimiyo poyowic ni dhanu i kum kite ma watie ko ceng’ini ninyotho ng’om mwa ku jamtic ma reco mi teknoloji ma wayiko ke giwa. Etie wec mi lapor, man poyowic pi nyoth m’ubino, ma wacikara ninyego i kume tek wamito wabothi i ng’om maeni.”—Bulletin of the Atomic Scientists.
Nen bende
DWOKOWANG’ PENJI MI BIBLIA
Lwiny mir Armagedon tie ang’o?
Wec ma nia “Armagedon” nwang’ere wang’ acel kende i Biblia, ento juweco iwi lwiny m’enyutho i giragora ma tung’ tung’ mi Biblia.
ESSENTIAL BIBLE TEACHINGS
Pirang’o Mungu uweko can umedre asu cil tin?
Dhanu dupa gibed gipenjiri nia pirang’o ng’om upong’ kud adegi man masendi. Biblia udwoko wang’ penji maeno i ayi ma nyang’ujo man ma juko cwinywa.
ESSENTIAL BIBLE TEACHINGS
Pirang’o Mungu ucwio ng’om?
Ng’om ma wakwo i ie eni tie leng’ mi tuko ngo. Mungu ketho kind ceng’ ku ng’om ubed tap calu m’ukwayere, ewirere tap i spidi m’ukwayere, man eleng’ere calu m’ukwayere. Pirang’o Mungu utimo tic ma tek pi nicwio ng’om ubed leng’ rukeni?
WATIE JUKANI?
Kway jubin juliewi
Wuwec iwi ponji mi Biblia kunoke ponj lembe lee iwi Jumulembe pa Yehova.
