MEDIRI NIKIYO!
Dhanu milion 6 udaru tho ku korona—Biblia uyero ang’o?
Nimakere ku Dilo ma neno lembe mi leng’kum (OMS), i nindo 23 mi dwi mir 5, 2022, nwang’u dhanu milion 6,27 udaru tho ku thong’om mi korona. Ento i lembang’eya moko m’ular uwok i nindo 5 mi dwi mir 5, 2022, OMS ugam unwang’u nia ve wend dhanu ma korona unego ukadhu maeno. Unwang’ere nia i kind oro 2020 ku 2021, “wend dhanu ma korona kunoke ma lem korona unego utelo kago milion 14,9.” Nyo Biblia uyero lemoko de pi yaw lemcan ma kumeno?
Biblia ular uewo pi thong’om ma reco
Yesu ugam uyero nia “thong’om” kadi ke twoyo ma reco bibedo nuti i kabedo ma tung’ tung’ i rundi mi “kajik ceng’.”—Luka 21:11; 2 Timoteo 3:1.
Lembila pa Yesu ubepong’o tin eni. Pi ninyang’ lee, som thiwiwec “Quel est le signe des « derniers jours », ou « temps de la fin » ?”
Biblia juko cwiny
“Mungu mi jukocwiny ceke . . . juko cwinywa i masendi mwa ceke.”—2 Jukorintho 1:3, 4.
Dhanu dupa ma wedi migi utho ginwang’u jukocwiny i lembe ma Biblia uyero. Pi ninyang’ lee, som thiwiwec “Comment revivre : ce que vous pouvez faire” man “Une aide incomparable.”
Biblia unyutho gin ma bibino daru peko mi magwei
“Ker peri bin. Yeny peri utimere bende i ng’om, calu m’etimere i polo.”—Matayo 6:10.
Ceng’ini eni, gin ma “Ker pa Mungu” bitimo biketho ng’atu moko acel de mbe ma biyero nia “kuma lith.” (Marko 1:14, 15; Isaya 33:24) Pi ning’eyo nia ker maeno mi polo utie ang’o man gin m’ebitimo, nen video ma thiwie tie Ker pa Mungu tie ang’o?
Wakweyi iponj lembe lee iwi gin ma Biblia uyero ma copo konyi ku juruot peri kara wunwang’ bero i kum juk man lembang’ola ma nwang’ere i iye ma nyayu anyong’a.