MEDIRI NIKIYO!
Biblia uyero ang’o iwi woro ayi gin m’acwiya?
Odi tic moko ma wodho lembang’eya mi Jukatholiki (Catholic News Service) ukoro nia i saa mi seremoni moko m’ukadhu i ot kanisa ma dit mi Katholiki ma julwong’o basilique Saint-Pierre i nindo 25, dwi mir 3, 2022, Papa François ucungo i wang’ ayi pa Maria “m’emiyo wang’e man ekulo wiye, m’eberwo nyaling’ ling’.” “Ekwayu Maria” umii kwiyocwiny. Lembang’eya moko m’uwok kud i Vatican umedo nia “Papa urwo pi nithiero dhanu ceke ni cwiny mi kisa pa Maria, asagane dhanu mi Russie man mir Ukraine.”
Iparu nenedi? Nyo etie ber nirwo ni ayi gin m’acwiya kunoke nitiyo kugi i thier mwa? Kenen cuu verse mi Biblia m’ulubo e:
“Kud itim ayi m’ang’ika iri, kadi ayi gin moko ma malu i polo, kadi ma piny i ng’om, kadi ma ni i pi the ng’om: kud irum piny i bang’gi, kadi kud itim igi; kum an a Yehova ma Mungu peri a Mungu ma janyeko.”—Ai 20:4, 5. a
“Mungu m’araga migi gi mola ma tar man mola ma kwar, tic mi cing’ dhanu. Dhoggi nuti, ento giweco ngo, wang’gi nuti, ento gineno ngo; ithgi nuti, ento giwinjo ngo; umgi nuti, ento ging’wio ngo; cing’gi nuti, ento giting’o piny ungo; tiendgi nuti, ento giwotho ngo; kadok aweca de giweco ngo ku dwandgi. Ju m’utimogi gibibedo calkugi; eyo, ku ba dhanu ceke m’ugenogi.”—Zaburi 115:4-8.
“An a Yehova, maeni nyinga; man dwong’ para abimio ni ng’atu mange ngo, kadok pak para de abimio ngo ni ayi gin m’acwia m’ang’ika.”—Isaya 42:8.
“Wuring ayi gin m’acwiya.”—1 Jukorintho 10:14, nen korolembe mi there, NWT.
“Wugwokuru i kum ayi gin m’acwiya.”—1 Yohana 5:21.
Pi ninyang’ lee i lembe ma Biblia uyero iwi tiyo kud ayi gin m’acwiya i thier mwa, som thiwiwec m’uwacu, “D’après la Bible : Les images religieuses” kunoke nen video ma thiwiye tie Nyo Mungu foyo ka jubetiyo kud ayi gin m’acwiya pi nirwo i bang’e?
Saa moko nyo imaru inyang’ lee i gin ma Biblia ubeyero iwi penji m’ulubo e:
Photo credit: Vincenzo Pinto/AFP via Getty Images
a Yehova utie nying’ Mungu ma dhe. (Zaburi 83:18) Nen thiwiwec m’uyero, “Yehova tie ng’a?”