WER 24
Wubin iwi got pa Yehova
(Isaya 2:2-4)
-
1. Ting’ weng’i man inen,
Got pa Yehova Mungu.
Gode dodre malu,
Nisagu mange ceke.
Dhanu beai ku bor,
Kud i tung’ ng’om ang’wen zoo,
Gilwong’iri giwacu:
‘Bin warwo ni Mungu.’
Saane ndhu ni eni.
Thek ma nok udoko rubanga.
Dong’ watie thek ma tek,
Kum Yehova poko mugisa.
Udul dhanu ma dit
Giyiyo migi Mungu.
Gidaru ng’olo nia
Gibiwore nja ku nja.
-
2. Yesu ng’olo kumae:
Wucidh i tung’ ng’om ceke,
Wurwei lembanyong’a
Mi Ker ni dhanu ceke.
Kristu jany iwi Ker.
Ekwayu walwor Mungu.
Ju ma mol giwinje
Man gibeworo dwande.
Anyong’a negowa,
Kum wendwa bemedre ameda.
Wan kpo wadik cingwa,
Kara dhanu zoo ging’ei Mungu.
Dong’ wating’u dwandwa,
Walwong’u dhanu ceke:
‘Gibin i ba got pa Mungu
Rondo ku rondo.’
(Nen bende Zab. 43:3; 99:9; Isa. 60:22; Tic. 16:5.)