WER 48
Wawoth ku Yehova kubang’ ceng’
(Mika 6:8)
-
1. Wamak cing Wegwa Yehova,
Wawoth saa ceke ku Mungu mwa.
Bero pare ma yawe mbe,
Ju m’uyenye re ma ginwang’e.
Etimo iwa lembe dit;
Wamak cinge kikiki.
Kwo mwa zoo watim ko ire;
Ceng’ ceke wabed jupare.
-
2. Ajiki mi ng’om udhingo,
Sitani doko ger i kumwa,
Judegi nyayu ragedo,
Gimito lworo mond i iwa.
Re Yehova wekowa ngo.
Kud wacidhu bor kude.
Watim ire kubang’ nindo,
Wamok i kume, wamare.
-
3. Kara wawoth i lemandha,
Yehova miyo tipo maleng’.
Emiyo bende Biblia,
Man cokiri pi nikonyowa.
Dong’ wawothu ku Yehova,
Watim lembe m’atira.
Wan zoo wagwok bedoleng’ mwa.
Wawoth ku Mungu nja ku nja.
(Nen bende Tha. 5:24; 6:9; 1 Ub. 2:3, 4.)