WER 91
Tic ma tek ma watimo ku mer
-
1. E Yehova Mungu mwa,
Wabefoyi ku cwinywa zoo.
Imiyo iwa rwom mi giero
Ot pi thier ma leng’!
Ikonjo in mugisa,
Man tic mwa ucego nyinge.
Tin ode ucungo, man e leng’,
Eyungo nyingi.
(NWOC)
Imiyo iwa rwom ma lee dit,
Mi gomo ot m’eni iri!
Wabiwori Wegwa mi polo,
Wabiyungi, wabipeki i kwo mwa zoo.
-
2. Anyong’a unegowa,
Wanwang’u jurimo dupa.
Wabiwil ungo pi lembene
Rondo ku rondo.
Tipo peri ukonyo,
Watuc nitimo i acel.
Ot m’eni uyungo nyingi lee,
Wegwa Yehova!
(NWOC)
Imiyo iwa rwom ma lee dit,
Mi gomo ot m’eni iri!
Wabiwori Wegwa mi polo,
Wabiyungi, wabipeki i kwo mwa zoo.
(Nen bende Zab. 116:1; 147:1; Rum. 15:6.)