Guriri m’utelowic mi Jumulembe pa Yehova utwong’o nia jukwayu bafilial moko gikegipim nidocaku dikiri kendo karacelo pi coko mi cokiri, calu ma gibed gitimo i wang’e. Bafilial ma jung’iyone gibilondo Udi Ker ma jubitimo iye coko maeno i kabedo ma dhanu ma pol m’i iye umaku vaccin man ma dak pa thong’om utie piny i iye. I andha, lembe maeno zoo bitimere nimakere ku cik ma gavmenti mi ng’ombe uketho pi lembe m’uneno coko ma jucokiri ko i ot. Jusomo atwong’a maeno ni juruot mi Bethel mi ng’om zoo kas’abic, nindo 15 mi dwi mir 10, 2021.

I ng’ei pimo lembuno, adwogi m’ebiwodho bikonyo nineno ka nyo jucopo yiyo cokiri mange de ucak dikiri kendo karacelo calu ma naka. Atwong’ane unyutho bende nia i zoone, fodi telowic m’uneno tic ma tung’ tung’ mi dilo mwa udong’ kubang’e nitundo nindo 1 mi dwi mi kwong’o, 2022.

Wadwoko foyofoc lee mandha ni Guriri m’utelowic pi dieng’ m’edieng’ ko pir utumego mwa m’i wang’ ng’om zoo, man pi yub maeno mi docaku yoyo nitimo tic mi dilo mwa i ayi ma naka. Wakwayu Yehova umedere asu nitelo wiwa man nimiyo mugisa iwi yub maeno.​—Lembrieko 14:16.