NINDO 3, DWI MIR 3, 2020
LEMBANG’EYA ZOO
Lembe m’uwok iwi Coronavirus man gin ma wacopo timo pi nigwokara
Umego mi kabedo ma dit mi Jumulembe pa Yehova gibelubo lembe kubang’ ceng’ iwi thong’om mi coronavirus (m’ung’ere ku nying’ ma COVID-19) pi nikonyowa wang’ei gin ma wacopo timo. Wang’eyo nia calku lembila mi Biblia thong’om utie giranyutha mi kajik ceng’. (Luka 21:11) Pieno kinde ma thong’om upodho, pire tie tek dit nia wagwokara giwa man bende jumange.—Lembrieko 22:3.
Jumoko copo penjiri nia umego mwa ma gibenwang’iri i kabedo ma thong’om maeni umew i ie gibegwokiri nenedi. Ku lemandha podho pa thong’om mi COVID-19 uketho bethel man cokiri ma tung’ tung’ calu ve mi ng’om mir Italie, Japan, Korea ma yo piny, man mi ng’om mange bende utimo alokaloka m’ukwayere. Pieno bethel ukwero dhanu ma woko kud ubin uliew bethel. Bende, gavmenti mi ng’om moko ukwero nia kud jucok dhu dhanu ma dupa karacelo; eno uketho bethel unwang’u nia kwayu ngo nitimo coko ma dit mi twodiri. M’umedo maeno, cokiri bende utimo alokaloka i ayi ma gitimo ko coko man ma girweyo ko lembanyong’a i kabedo moko. Ento i kind peko maeno zoo umego mwa gibemediri nisomo Biblia, niponje man nitielo cwinygi i kindgi.—Yuda 20, 21.
I lembe maeno ceke, umego mwa ginwang’u nia nitio ku paru m’ulubo e, utie ku kony lee dit. Paru maeno copo konyo in karacelo ku juruot peri bende ninyego ku peko ma thong’om maeno ukelo kaka ma ini i ie.
Ndiri kud umeki. Andha ukwayu wabed ku wang’wa i saa ma thong’om upodho man wagwokara kara kud emakwa. Re ukwayu kud wawek ndiri umakwa.—Lembrieko 14:15; Isaya 30:15.
Lub telowic ma judongo pa gavmenti ubemio. Wang’ ma pol judongo pa gavmenti ketho cik moko pi nigwoko dhanu. Pire tie tek nia wawor telowic ma judongo pa gavmenti uketho.—Jurumi 13:1.
Gwok leng’o. Pire tie tek nilwoko cing’jo wang’ dupa ku savo kunoke nitio ku piny mange ma copo nego ukudi. Ubekwayu saa ceke wabed wawei kaka ma cingwa bemulo wang’ ma pol i ot mwa kunoke i Ot Ker. M’umedo maeno, jururieko ma neno lembe pa yath giyero nia etie ber ungo nimothiri ku cing’jo, kum eno copo ketho thong’om medere ameda. Pi coronavirus, OMS umio telowic ma dhanu copo lubo pi nigwokiri.
Nyuth nia imaru jumange. Kadok nwang’u wan ceke wang’eyo nia pire tie tek nicidho i coko man nirweyo lembanyong’a kaka dhanu bepong’ i ie de, re kan ibetwoyo, etie ber nia ibed i pacu kara kud idag twoyone i kum jumange. Eno nyutho nia wamaru umego ku nyimego, ku dhanu mange ma gitie ngo Jumulembe man wabemito bende wagwokgi.—Matayo 22:39.
Lub kite ma juloko ko program mi coko pi nindo maeni. I kabedo ma thong’om upodho i ie, ecopo bedo ber nia bethel ujig dhu timo coko i Udi Ker, ujig dhu timo coko ma dongo, man coko mange ma pigi tek pi nindo moko. Lembe maeno ubetimere i kabedo ma thong’om mi COVID-19 umew lee i ie, calu ve i Itale, Japan, man Korea ma yo piny. Nimakere ku lembe m’ubetimere i kabedoman, judong cokiri gicopo poko coko ma dong’ judaru maku kara jurwei gilubi kud i pacu migi. Jurwei gicopo rweyo lembanyong’a ku telefon, gicopo rweyo ku mesaj, e-mails, kunoke ku barua.
PARU MANGE M’UMEDO MAENO MA NWANG’ERE I GIRASOMA MWA
Girasoma ma jurieyo piny e, utie ku paru ma copo konyowa kara wagwokara i kum twoyo.
Nen bende
LEMBANG'EYA MA NYEN
Lembe ma nyen mir 9 i kind oro 2021 m’uai i Guriri m’utelowic
Umego acel mi Guriri m’utelowic ubemiyo tielocwiny. Wabiwinjo bende pir adwogi ma ber mi timo coko karacelo.
KITE MA JUBETIYO KO KU GIRAMIYA MWU
Tic mi miyo kony i wang’ ng’om zoo i saa mi thong’om mi Korona
Kero ma watimo pi nimiyo kony i saa mi thong’om mi Korona umulo adunde Jumulembe pa Yehova ku Jumulembe ngo ceke.
LEMBANG'EYA MA NYEN
Lembe ma nyen mi 1 i kind oro 2020 m’uai i Guriri m’utelowic
Winj kite ma Jumulembe pa Yehova mi ng’om mi Korea ma yo piny, Italie man États-Unis gibenyego ko ku thong’om ma nyen m’uwok.