ኢንተርኔት ባይኖርም ልታነባቸውና ልታያቸው የምትችል በመቶዎች የሚቆጠሩ መጻሕፍት፣ ብሮሹሮች፣ ትራክቶችና ቪዲዮዎች JW Library ላይ አሉ።

ጽሑፎችን ለማውረድና ለመጠቀም እነዚህን መመሪያዎች ተከተል፦

•  የሕትመት ውጤቶችን ማውረድ

•  የሕትመት ውጤቶችን ማጥፋት

•  የሕትመት ውጤቶችን ማደስ

JW Library ላይ፣ ኢንተርኔት ባይኖርም ልታነባቸውና ልታያቸው የምትችል በርካታ የሕትመት ውጤቶችን ማውረድ ትችላለህ።

• ዋናውን ማውጫ ከፍተህ የሕትመት ውጤቶች የሚለውን ስትጫን የሕትመት ውጤቶቹን ዝርዝር ታገኛለህ።

• ቋንቋዎች የሚለውን ስትጫን የሕትመት ውጤቶች የሚገኙባቸውን የተለያዩ ቋንቋዎች ዝርዝር ታገኛለህ። ከዚያም የምትፈልገውን ቋንቋ ምረጥ። ብዙ ጊዜ የተጠቀምክባቸው ቋንቋዎች ከላይ ይሆናሉ። የምትፈልገውን ቋንቋ ስም በመጻፍም ቋንቋውን መፈለግ ትችላለህ።

JW Library ላይ የሕትመት ውጤቶችን ማግኘት የምትችልባቸው የተለያዩ መንገዶች አሉ።

በዓይነት የሚለው ክፍል በመረጥከው ቋንቋ የሚገኙትን የሕትመት ውጤቶች በየዓይነታቸው ይኸውም መጻሕፍት፣ ትራክት ወይም ቪዲዮዎች በማለት ከፋፍሎ ያስቀምጥልሃል። አንዳንዶቹን ምድቦች ስትጫን በሥራቸው ያሉ ዝርዝሮች ይታያሉ፤ ለምሳሌ መጠበቂያ ግንብ በዓመት፣ ቪዲዮዎች ደግሞ በርዕሰ ጉዳይ ተከፋፍለው ይታያሉ። ሁሉንም ዝርዝሮች ለማየት ዋናው ዝርዝር የሚለውን ተጫን።

አዲስ ነገር በሚለው ሥር በመረጥከው ቋንቋ አዲስ የወጡ የሕትመት ውጤቶችን ታገኛለህ።

ያወረድኳቸው በሚለው ሥር በየትኛውም ቋንቋዎች ያወረድካቸውን ጽሑፎች በሙሉ መመልከት ትችላለህ። እነዚህ ጽሑፎች ብዙ ጊዜ የተከፈቱ፣ ብዙ ጊዜ ያልተከፈቱ፣ ወይም ትልቅ መጠን በሚል ቅደም ተከተላቸውን ማስተካከል ትችላለህ።

 አንድን ጽሑፍ ካልፈለግከው ወይም ተጨማሪ ማስቀመጫ ቦታ ማግኘት ከፈለክ ልታጠፋው ትችላለህ።

ዋናውን ማውጫ ክፈትና የሕትመት ውጤቶች የሚለውን ስትጫን የጽሑፎቹን ዝርዝር (ለምሳሌ፣ መጻሕፍት የሚል) ታገኛለህ። ማጥፋት በምትፈልገው የሕትመት ውጤት ላይ ያለውን ሌሎች የሚለውን ተጫን፤ ከዚያም አጥፋ የሚለውን ተጫን።

ተጨማሪ ማስቀመጫ ቦታ ለማግኘት ብዙ ጊዜ ያልተከፈቱትን ወይም ትልቅ መጠን ያላቸውን ማጥፋት ትችላለህ። ዋናውን ማውጫ በመክፈት የሕትመት ውጤቶች የሚለውን ተጫን። ከዚያም ያወረድኳቸው የሚለው ክፈት፤ ከዚያም ብዙ ጊዜ ያልተከፈቱ ወይም ትልቅ መጠን በማለት መለየት ትችላለህ። ከዚያም የማትፈልገው ጽሑፍ አጥፋ።

 አንዳንድ ጊዜ ያወረድካቸው ጽሑፎች መታደስ ያስፈልጋቸው ይሆናል።

ያወረድካቸው የሕትመት ውጤቶች መታደስ ያስፈልጋቸው እንደሆነ ለማየት ዋናውን ማውጫ ክፈት፤ ከዚያም የሕትመት ውጤቶች የሚለውን ተጫን። መታደስ የሚያስፈልገው ነገር ካለ ለመታደስ የተዘጋጁ የሚል ክፍል ይታያል። ለመታደስ ዝግጁ የሆኑ ጽሑፎች ዝርዝር በሙሉ የሚታዩት በዚህ ክፍል ውስጥ ነው። አንድን ጽሑፍ ብቻ ለማደስ ከፈለግክ ጽሑፉን ተጫን፤ ሁሉንም ለማደስ ከፈለግክ ደግሞ ሁሉንም አድስ የሚለውን ተጫን።