JW Library፣ ለንባብ ልትጠቀምባቸው የምትችል በርካታ ገጽታዎች አሉት። እነዚህ ገጽታዎች አንድን ርዕስ ለማንበብ ስትከፍት በስክሪኑ አናት በስተቀኝ በኩል ይወጣሉ።

ለንባብ በሚያመች መንገድ ለማስተካከል ከታች ያሉትን መመሪያዎች ተከተል፦

•  ቋንቋ መለወጥ

•  የፊደል መጠን ማስተካከል

•  ምስል ወይም ጽሑፍ መመልከት

•  መክፈቻ ምረጥ

•  መጽሐፍ ቅዱሶችን ማስተካከል

እያነበብክ ያለውን ምዕራፍ ወይም ርዕስ በሌላ ቋንቋም ማንበብ ትችላለህ።

• ቋንቋዎች የሚለውን ስትጫን የምታነብበው ጽሑፍ የሚገኝባቸውን ቋንቋዎች ዝርዝር በሙሉ ማየት ትችላለህ። በዝርዝሩ ውስጥ ከላይ የሚታዩት አዘውትረህ የምትጠቀምባቸው ቋንቋዎች ናቸው። ቀለል ባለ ቋንቋ የተዘጋጁ መጠበቂያ ግንብ መጽሔቶችንም እዚሁ ማግኘት ትችላለህ። የምትፈልገውን ቋንቋ ስም በመጻፍም ቋንቋውን ማግኘት ትችላለህ።

• ያላወረድካቸው ቋንቋዎች የደመና ምልክት ይታይባቸዋል። ጽሑፉን ለማውረድ ቋንቋውን ተጫን። ጽሑፉን ስታወርድ የደመናው ምልክት ይጠፋል። ያወረድከውን ጽሑፍ ለማንበብ ቋንቋውን ተጫን።

የጽሑፉን መጠን፣ ለማንበብ በሚያመችህ መንገድ ማስተካከል ትችላለህ።

አንዳንድ ጽሑፎችን በምስል ወይም በጽሑፍ መልክ ማየት ይቻላል። የምትፈልገውን ቁልፍ በመጫን ከአንዱ ወደ ሌላው መቀያየር ትችላለህ።

• ምስል አሳይ፦ ይህ ምርጫ ጽሑፉ ሲታተም የሚኖረውን ገጽታ ያሳያል። አንዳንዶች እንደ መዝሙር መጽሐፍ ያሉ ጽሑፎችን በምስል መልክ ማየትን ሊመርጡ ይችላሉ፤ ይህም የሙዚቃ ኖታውን እንዲያዩ ያስችላቸዋል።

• ጽሑፍ አሳይ፦ ይህ ምርጫ የመጽሐፍ ቅዱስ ጥቅሶችን በሊንክ መልክ ያስቀምጣል፤ ሊንኩን ስትጫን በመረጥከው የፊደል መጠን ጥቅሱን ያወጣልሃል።

መክፈቻ ምረጥ የሚለው ገጽታ በJW Library ላይ የሚገኙትን ነገሮች በሌሎች አፕሊኬሽኖች ለመክፈት ያስችልሃል።

በአንድ ጽሑፍ ውስጥ የሚገኝን ጥቅስ ስትጫን ጥቅሱ በተለያዩ ትርጉሞች ይወጣል። ካወረድካቸው መጽሐፍ ቅዱሶች መካከል ጥቅሱን ማየት የምትፈልግባቸውን ትርጉሞች ለመምረጥ እንደምትፈልገው አስተካክል የሚለውን ተጫን።

JW Library ላይ ተጨማሪ መጽሐፍ ቅዱሶችን መጫን የምትችለው እንዴት እንደሆነ ለማወቅ “መጽሐፍ ቅዱሶችን ማውረድና መጠቀም—iOS” የሚለውን ርዕስ ተመልከት።