ጥሩ ዝግጅት አድርግ። ትምህርቱን ቀላል በሆነ መንገድ እንዲሁም በራስህ አባባል ማቅረብ እንድትችል ርዕሰ ጉዳዩን በደንብ መረዳት ይኖርብሃል።

አጫጭር ዓረፍተ ነገሮችንና ያልተወሳሰቡ ሐረጎችን ተጠቀም። ረዘም ያሉ ዓረፍተ ነገሮችን መጠቀም የምትችል ቢሆንም ዋና ዋና ነጥቦችን ለማስተላለፍ እጥር ምጥን ያሉ ዓረፍተ ነገሮችንና ሐረጎችን መጠቀሙ የተሻለ ነው።

ያልተለመዱ ቃላትን ትርጉም አብራራ። በተቻለ መጠን፣ ያልተለመዱ ቃላትን ላለመጠቀም ጥረት አድርግ። አድማጮችህ የማያውቋቸውን ቃላት፣ በመጽሐፍ ቅዱስ ውስጥ የተጠቀሱ ሰዎችን ወይም ጥንታዊ መለኪያዎችንና ልማዶችን የግድ መጥቀስ ካለብህ ተጨማሪ ማብራሪያ ስጥ።