ለዘላለም የመኖር ምርጫ ቢቀርብልህ ትቀበላለህን?

ይህ ብሮሹር በግልጽ እንዳስቀመጠው በእርግጥም በምድር ላይ በገነት ውስጥ ለዘላለም መኖር ትችላለህ። አምላክ ይህን ሁኔታ ለማምጣት ያለው ዓላማ እንደሚፈጸም ምንም አያጠራጥርም! ሆኖም ይህ የዘላለም ሕይወት በአንተ ምርጫ ላይ የተመካ ነው።

ምርጫህ ኢየሱስ ክርስቶስ ባስተማረው መሠረት በትክክለኛው የአምላክ ቃል ላይ የተመሠረተ መሆን አለበት። ይህ ብሮሹር የተዘጋጀው እንዲህ ዓይነቱን እውቀት ማግኘት እንድትችል አንተን ለመርዳት ታስቦ ነው። የይሖዋ ምሥክሮች ተጨማሪ እርዳታ ሊያደርጉልህ ይችላሉ። አንተ በሚመችህ ጊዜና ቦታ መጥተው ለማነጋገር ዝግጁዎች ናቸው። መጽሐፍ ቅዱስን ያለ ክፍያ ማጥናት የምትፈልግ ከሆነ የይሖዋ ምሥክሮች፣ ፖ.ሣ.ቁ. 5522፣ አዲስ አበባ አለዚያም Watch Tower በማለት ከታች ካሉት አድራሻዎች አመቺ ወደሆነው በመጻፍ ይህን ፍላጎትህን ማሳወቅ ትችላለህ።