ሰይጣን አስማተኛ እንድትሆን ይፈልጋል። ብዙ ሰዎች አደጋ እንዳይደርስባቸው ለቀድሞ አባቶቻቸው ወይም ለመናፍስት መሥዋዕት ያቀርባሉ። ይህን የሚያ ደርጉት በመንፈሳዊ ዓለም ውስጥ ያሉትን ኃይሎች ስለሚፈሩ ነው። የተደገመባቸው ቀለበቶችን ወይም አም ባሮችን ያደርጋሉ። አስማታዊ ኃይል አላቸው ብለው የሚያስቧቸውን “መድኃኒቶች” ይጠጣሉ ወይም ሰውነ ታቸውን ይቀባሉ። አንዳንድ ሰዎች ከክፉ ይጠብቀናል ብለው በማሰብ በቤታቸው ወይም በመሬት ውስጥ አንዳንድ ቁሳቁሶችን ይቀብራሉ። ሌሎች ደግሞ አትራፊ ነጋዴዎች እንዲሆኑ፣ የትምህርት ቤት ፈተና እንዲያልፉ ወይም ጥሩ የትዳር ጓደኛ ለማግኘት ሲሉ በተደገመባቸው “መድኃኒቶች” ይጠቀማሉ።

ከሁሉ በተሻለ መንገድ ከሰይጣን የሚጠብቀን ይሖዋን ወዳጅ ማድረግ ነው። ይሖዋ አምላክና መላእክቱ ከሰይጣንና ከአጋንንቱ የበለጠ ኃይል አላቸው። (ያዕቆብ 2:19፤ ራእይ 12:9) ይሖዋ ለእርሱ ፍጹም ታማኝ የሆኑ ወዳጆቹን በመጠበቅ ረገድ ጥንካሬውን ለማሳየት ምንጊዜም ዝግጁ ነው።—2 ዜና መዋዕል 16:9

የአምላክ ቃል “አስማትም አታድርጉ” ይላል። አስማትና ጥንቆላ አንድን ሰው በቀጥታ የሰይጣን ዲያብሎስ ባሪያ ስለሚያደርገው ይሖዋ እነዚህን ድርጊቶች ያወግዛል።—ዘሌዋውያን 19:26