መዝሙር 119:1-176
א [አሌፍ]
119 በመንገዳቸው ነቀፋ የሌለባቸው፣*በይሖዋ ሕግ የሚመላለሱ ሰዎች ደስተኞች ናቸው።+
2 ማሳሰቢያዎቹን የሚጠብቁ፣+እሱን በሙሉ ልባቸው የሚፈልጉ ደስተኞች ናቸው።+
3 ክፉ ነገር አያደርጉም፤በመንገዶቹ ይሄዳሉ።+
4 አንተ መመሪያዎችህንበጥብቅ እንድንከተል አዘኸናል።+
5 ሥርዓትህን እጠብቅ ዘንድምነው በአቋሜ በጸናሁ!*+
6 ይህ ቢሆንልኝ፣ትእዛዛትህን ሁሉ በትኩረት ስመለከት አላፍርም።+
7 የጽድቅ ፍርዶችህን በተማርኩ ጊዜበቀና ልብ አወድስሃለሁ።
8 ሥርዓትህን አከብራለሁ።
አቤቱ እርግፍ አድርገህ አትተወኝ።
ב [ቤት]
9 ወጣቶች በንጽሕና መመላለስ የሚችሉት እንዴት ነው?
በቃልህ መሠረት ራሳቸውን በመጠበቅ ነው።+
10 በሙሉ ልቤ አንተን እሻለሁ።
ከትእዛዛትህ እንድርቅ አትፍቀድ።+
11 በአንተ ላይ ኃጢአት እንዳልሠራ፣+አንተ የተናገርከውን በልቤ ውስጥ እንደ ውድ ሀብት እሸሽጋለሁ።+
12 ይሖዋ ሆይ፣ ውዳሴ ይድረስህ፤ሥርዓትህን አስተምረኝ።
13 የተናገርካቸውን ፍርዶች ሁሉበከንፈሮቼ አስታውቃለሁ።
14 ውድ ከሆኑ ሌሎች ነገሮች ሁሉ ይበልጥ፣+በማሳሰቢያዎችህ ሐሴት አደርጋለሁ።+
15 በመመሪያዎችህ ላይ አሰላስላለሁ፤*+ዓይኖቼንም በመንገዶችህ ላይ እተክላለሁ።+
16 ያወጣሃቸውን ደንቦች እወዳቸዋለሁ።
ቃልህን አልረሳም።+
ג [ጊሜል]
17 በሕይወት መኖርና ቃልህን መጠበቅ እችል ዘንድ፣ለአገልጋይህ ደግነት አሳይ።+
18 በሕግህ ውስጥ ያሉትን አስደናቂ ነገሮችአጥርቼ እንዳይ ዓይኖቼን ክፈት።
19 በምድሪቱ ላይ የባዕድ አገር ሰው ነኝ።+
ትእዛዛትህን ከእኔ አትሰውር።
20 እኔ* ፍርዶችህንዘወትር ከመናፈቄ የተነሳ ዛልኩ።
21 እብሪተኛ የሆኑትን፣ከትእዛዛትህ የራቁትን የተረገሙ ሰዎች ትገሥጻለህ።+
22 ማሳሰቢያዎችህን ጠብቄአለሁና፣ዘለፋንና ንቀትን ከእኔ አስወግድ።*
23 መኳንንትም እንኳ አንድ ላይ ተቀምጠው ስለ እኔ መጥፎ ነገር ሲያወሩ፣አገልጋይህ በሥርዓትህ ላይ ያሰላስላል።*
24 ማሳሰቢያዎችህን እወዳቸዋለሁ፤+መካሪዎቼ ናቸው።+
ד [ዳሌት]
25 አፈር ላይ ተደፍቻለሁ።*+
በቃልህ መሠረት በሕይወት አቆየኝ።+
26 መንገዶቼን ለአንተ ተናገርኩ፤ አንተም መለስክልኝ፤ሥርዓትህን አስተምረኝ።+
27 አስደናቂ በሆኑት ሥራዎችህ ላይ አሰላስል ዘንድ፣*+የመመሪያዎችህን ትርጉም እንዳስተውል አድርገኝ።
28 ከሐዘን የተነሳ እንቅልፍ አጣሁ።*
በቃልህ መሠረት አበርታኝ።
29 የአታላይነትን መንገድ ከእኔ አርቅ፤+ሕግህንም በማሳወቅ ሞገስ አሳየኝ።
30 የታማኝነትን ጎዳና መርጫለሁ።+
ፍርዶችህ ትክክል እንደሆኑ እገነዘባለሁ።
31 ማሳሰቢያዎችህን የሙጥኝ እላለሁ።+
ይሖዋ ሆይ፣ ለሐዘን* እንድዳረግ አትፍቀድ።+
32 በልቤ ውስጥ ቦታ ስለሰጠኸው፣*የትእዛዛትህን መንገድ በጉጉት እከተላለሁ።*
ה [ሄ]
33 ይሖዋ ሆይ፣ የሥርዓትህን መንገድ አስተምረኝ፤+እኔም እስከ መጨረሻው እከተለዋለሁ።+
34 ሕግህን እንዳከብርናበሙሉ ልቤ እንድጠብቅማስተዋል ስጠኝ።
35 በትእዛዛትህ መንገድ ምራኝ፤*+በእሱ ደስ እሰኛለሁና።
36 ልቤ የግል ጥቅም* ከማሳደድ+ ይልቅወደ ማሳሰቢያዎችህ እንዲያዘነብል አድርግ።
37 ከንቱ ነገር እንዳያዩ ዓይኖቼን መልስ፤+በመንገድህ ላይ በሕይወት እንድቀጥል አድርገኝ።
38 አንተ በሌሎች ትፈራ ዘንድ፣ለአገልጋይህ የገባኸውን ቃል* ፈጽም።*
39 በጣም የምፈራውን ውርደት ከእኔ አርቅ፤ፍርዶችህ ጥሩ ናቸውና።+
40 መመሪያዎችህን ምን ያህል እንደናፈቅኩ ተመልከት።
በጽድቅህ ሕያው ሆኜ እንድኖር አድርገኝ።
ו [ዋው]
41 ይሖዋ ሆይ፣ ቃል በገባኸው* መሠረትታማኝ ፍቅርህንና ማዳንህን ልቅመስ፤+
42 በዚህ ጊዜ ለሚሳለቅብኝ መልስ መስጠት እችላለሁ፤በቃልህ እታመናለሁና።
43 የእውነትን ቃል ከአፌ አታርቅ፤በፍርድህ ተስፋ አድርጌአለሁና።*
44 እኔ ሕግህን ዘወትር፣አዎ፣ ለዘላለም እጠብቃለሁ።+
45 ደህንነት በማገኝበት ስፍራ* እንደ ልቤ እመላለሳለሁ፤+መመሪያዎችህን ከልቤ እፈልጋለሁና።
46 ስለ ማሳሰቢያዎችህ በነገሥታት ፊት እናገራለሁ፤ደግሞም አላፍርም።+
47 ትእዛዛትህ ደስ ያሰኙኛል፤አዎ፣ እወዳቸዋለሁ።+
48 ትእዛዛትህን ስለምወዳቸው+ እጆቼን ከፍ አድርጌ ወደ አንተ እጸልያለሁ፤በሥርዓትህም ላይ አሰላስላለሁ።*+
ז [ዛየን]
49 ለአገልጋይህ የተናገርከውን ቃል* አስታውስ፤በዚህ ቃል ተስፋ ሰጥተኸኛል።*
50 በመከራዬ ወቅት መጽናኛ የማገኘው በዚህ ነው፤+የተናገርከው ቃል በሕይወት አቆይቶኛልና።
51 እብሪተኞች እጅግ ይሳለቁብኛል፤እኔ ግን ከሕግህ ንቅንቅ አልልም።+
52 ይሖዋ ሆይ፣ ከጥንት ጀምሮ የነበሩትን ፍርዶችህን አስታውሳለሁ፤+በእነዚህም መጽናኛ አገኛለሁ።+
53 ሕግህን ከተዉ ክፉ ሰዎች የተነሳበቁጣ በገንኩ።+
54 በምኖርበት ቦታ* ሁሉሥርዓትህ መዝሙር ሆነልኝ።
55 ይሖዋ ሆይ፣ ሕግህን እጠብቅ ዘንድበሌሊት ስምህን አስታውሳለሁ።+
56 ይህን ልማድ አድርጌዋለሁ፤ምክንያቱም መመሪያዎችህን ጠብቄአለሁ።
ח [ኼት]
57 ይሖዋ ድርሻዬ ነው፤+ሕግህን ለመጠበቅ ቃል ገብቻለሁ።+
58 በሙሉ ልቤ አንተን እማጸናለሁ፤+በገባኸው ቃል* መሠረት ሞገስ አሳየኝ።+
59 እግሮቼን ወደ ማሳሰቢያዎችህ እመልስ ዘንድመንገዴን መረመርኩ።+
60 ትእዛዛትህን ለመጠበቅ ፈጠንኩ፤ፈጽሞ አልዘገየሁም።+
61 የክፉዎች ገመድ ተተበተበብኝ፤ሆኖም ሕግህን አልረሳሁም።+
62 ስለ ጽድቅ ፍርዶችህ አንተን ለማመስገንእኩለ ሌሊት ላይ እነሳለሁ።+
63 አንተን ለሚፈሩ ሁሉ፣መመሪያዎችህንም ለሚጠብቁ ባልንጀራ ነኝ።+
64 ይሖዋ ሆይ፣ ታማኝ ፍቅርህ ምድርን ይሞላል፤+ሥርዓትህን አስተምረኝ።
ט [ቴት]
65 ይሖዋ ሆይ፣ በቃልህ መሠረትለአገልጋይህ መልካም ነገር አድርገህለታል።
66 ማስተዋልንና እውቀትን አስተምረኝ፤+በትእዛዛትህ ታምኛለሁና።
67 መከራ ላይ ከመውደቄ በፊት፣ መንገድ ስቼ እሄድ ነበር፤*አሁን ግን የተናገርከውን እጠብቃለሁ።+
68 አንተ ጥሩ ነህ፤+ ሥራህም ጥሩ ነው።
ሥርዓትህን አስተምረኝ።+
69 እብሪተኞች በውሸት ስሜን ያጎድፋሉ፤እኔ ግን በሙሉ ልቤ መመሪያዎችህን እጠብቃለሁ።
70 ልባቸው ደንዝዟል፤*+እኔ ግን ሕግህን እወዳለሁ።+
71 ሥርዓትህን እማር ዘንድበመከራ ውስጥ ማለፌ ጥሩ ሆነልኝ።+
72 አንተ ያወጅከው ሕግ ጠቅሞኛል፤+ለእኔ ከብዙ ወርቅና ብር እጅግ የተሻለ ነው።+
י [ዮድ]
73 እጆችህ ሠሩኝ፤ ደግሞም አበጁኝ።
ትእዛዛትህን እማር ዘንድማስተዋል ስጠኝ።+
74 አንተን የሚፈሩ ሰዎች እኔን አይተው ሐሴት ያደርጋሉ፤ቃልህ ተስፋዬ ነውና።*+
75 ይሖዋ ሆይ፣ ፍርዶችህ በጽድቅ ላይ የተመሠረቱ እንደሆኑና+ከታማኝነትህ የተነሳ እንደቀጣኸኝ አውቃለሁ።+
76 ለአገልጋይህ በገባኸው ቃል* መሠረት፣እባክህ፣ ታማኝ ፍቅርህ+ ያጽናናኝ።
77 በሕይወት መኖሬን እንድቀጥል ምሕረት አሳየኝ፤+ሕግህን እወዳለሁና።+
78 እብሪተኞች ኀፍረት ይከናነቡ፤ያላንዳች ምክንያት* በድለውኛልና።
እኔ ግን በመመሪያዎችህ ላይ አሰላስላለሁ።*+
79 አንተን የሚፈሩ፣ ማሳሰቢያዎችህንም የሚያውቁ፣ወደ እኔ ይመለሱ።
80 ለኀፍረት እንዳልዳረግ፣ልቤ ነቀፋ በሌለበት መንገድ ሥርዓትህን ይከተል።+
כ [ካፍ]
81 ማዳንህን እናፍቃለሁ፤*+ቃልህ ተስፋዬ ነውና።*
82 አንተ የተናገርከው ቃል ሲፈጸም ለማየት ዓይኖቼ ይጓጓሉ፤+“የምታጽናናኝ መቼ ነው?”+ እያልኩ እጠይቃለሁ።
83 ጭስ እንዳደረቀው አቁማዳ ሆኛለሁና፤ሆኖም ሥርዓትህን አልረሳም።+
84 ባሪያህ በሕይወት የሚቆየው እስከ መቼ ነው?
ስደት በሚያደርሱብኝ ላይ የምትፈርደው መቼ ነው?+
85 ሕግህን የሚጥሱእብሪተኛ ሰዎች እኔን ለማጥመድ ጉድጓድ ይቆፍራሉ።
86 ትእዛዛትህ ሁሉ አስተማማኝ ናቸው።
ሰዎች ያለምክንያት ያሳድዱኛል፤ አቤቱ እርዳኝ!+
87 ከምድር ገጽ ሊያጠፉኝ ምንም ያህል አልቀራቸውም ነበር፤እኔ ግን መመሪያዎችህን አልተውኩም።
88 የተናገርካቸውን ማሳሰቢያዎች እጠብቅ ዘንድ፣ከታማኝ ፍቅርህ የተነሳ በሕይወት አቆየኝ።
ל [ላሜድ]
89 ይሖዋ ሆይ፣ ቃልህ በሰማያት፣ለዘላለም ጸንቶ ይኖራል።+
90 ታማኝነትህ ከትውልድ እስከ ትውልድ ነው።+
ምድር ለዘለቄታው እንድትኖር በጽኑ መሠረትካት።+
91 በፍርዶችህ መሠረት እስከ ዛሬ ጸንተው ኖረዋል፤*ሁሉም አገልጋዮችህ ናቸውና።
92 ሕግህን ባልወድ ኖሮ፣በደረሰብኝ ጉስቁልና በጠፋሁ ነበር።+
93 መመሪያዎችህን ፈጽሞ አልረሳም፤ምክንያቱም በእነሱ አማካኝነት በሕይወት አቆይተኸኛል።+
94 እኔ የአንተ ነኝ፤መመሪያዎችህን ፈልጌአለሁና+ አድነኝ።+
95 ክፉዎች እኔን ለማጥፋት ያደባሉ፤እኔ ግን ለማሳሰቢያዎችህ ትኩረት እሰጣለሁ።
96 ፍጽምና ሁሉ ገደብ እንዳለው አይቻለሁ።ትእዛዝህ ግን ገደብ የለውም።*
מ [ሜም]
97 ሕግህን ምንኛ ወደድኩ!+
ቀኑን ሙሉ አሰላስለዋለሁ።*+
98 ትእዛዝህ ለዘላለም ስለማይለየኝ፣ከጠላቶቼ ይበልጥ ጥበበኛ ያደርገኛል።+
99 በማሳሰቢያዎችህ ላይ ስለማሰላስል፣*ከአስተማሪዎቼ ሁሉ የበለጠ ጥልቅ ማስተዋል አለኝ።+
100 መመሪያዎችህን ስለማከብር፣ከሽማግሌዎች ይበልጥ በማስተዋል እመላለሳለሁ።
101 ቃልህን እጠብቅ ዘንድ፣በየትኛውም ክፉ መንገድ ከመሄድ እቆጠባለሁ።+
102 አንተ አስተምረኸኛልና፣ከፍርዶችህ ፈቀቅ አልልም።
103 የተናገርከው ነገር ለምላሴ እጅግ ጣፋጭ ነው፤ለአፌም ከማር የበለጠ ይጥማል!+
104 ከመመሪያዎችህ የተነሳ በማስተዋል እመላለሳለሁ።+
ስለዚህ የሐሰትን መንገድ ሁሉ እጠላለሁ።+
נ [ኑን]
105 ቃልህ ለእግሬ መብራት፣ለመንገዴም ብርሃን ነው።+
106 የጽድቅ ፍርዶችህን ለመጠበቅ ምያለሁ፤ደግሞም እፈጽመዋለሁ።
107 ከፍተኛ ጉስቁልና ደርሶብኛል።+
ይሖዋ ሆይ፣ በቃልህ መሠረት በሕይወት አቆየኝ።+
108 ይሖዋ ሆይ፣ እባክህ በፈቃደኝነት የማቀርበውን የውዳሴ መባ* በደስታ ተቀበል፤+ፍርዶችህንም አስተምረኝ።+
109 ሕይወቴ ሁልጊዜ አደጋ ላይ ናት፤*እኔ ግን ሕግህን አልረሳሁም።+
110 ክፉዎች ወጥመድ ዘረጉብኝ፤እኔ ግን ከመመሪያዎችህ ዝንፍ አላልኩም።+
111 ማሳሰቢያዎችህ ልቤን ደስ ስለሚያሰኙ፣+ቋሚ ንብረቴ* አደርጋቸዋለሁ።
112 ሥርዓትህን በሕይወቴ ዘመን ሁሉ፣እስከ መጨረሻው ለመጠበቅ ቆርጫለሁ።*
ס [ሳሜኽ]
113 በግማሽ ልብ የሚመላለሱትን* እጠላለሁ፤+ሕግህን ግን እወዳለሁ።+
114 አንተ መጠለያዬና ጋሻዬ ነህ፤+ቃልህ ተስፋዬ ነውና።*+
115 እናንተ ክፉዎች፣የአምላኬን ትእዛዛት መጠበቅ እንድችል ከእኔ ራቁ።+
116 በሕይወት እንድቀጥልቃል በገባኸው* መሠረት ደግፈኝ፤+ተስፋዬ ሳይፈጸም ቀርቶ እንዳዝን አትፍቀድ።*+
117 እድን ዘንድ ደግፈኝ፤+ያን ጊዜ ለሥርዓትህ ዘወትር ትኩረት እሰጣለሁ።+
118 ከሥርዓትህ የሚርቁትን ሁሉ ገሸሽ ታደርጋቸዋለህ፤+ውሸታሞችና አታላዮች ናቸውና።
119 በምድር ላይ ያሉ ክፉዎችን ሁሉ ከላይ እንደሚሰፍ የማይረባ ቆሻሻ ታስወግዳቸዋለህ።+
ስለዚህ ማሳሰቢያዎችህን እወዳለሁ።
120 አንተን እጅግ ከመፍራቴ የተነሳ ሰውነቴ* ይንቀጠቀጣል፤ፍርዶችህን እፈራለሁ።
ע [አይን]
121 ትክክልና ጽድቅ የሆነውን አድርጌአለሁ።
ለሚጨቁኑኝ አሳልፈህ አትስጠኝ!
122 ለአገልጋይህ ደህንነት ዋስትና ስጥ፤እብሪተኞች እንዲጨቁኑኝ አትፍቀድ።
123 ዓይኖቼ ማዳንህንናየገባኸውን* የጽድቅ ቃል በመጠባበቅ ደከሙ።+
124 ለአገልጋይህ ታማኝ ፍቅርህን አሳየው፤+ሥርዓትህንም አስተምረኝ።+
125 እኔ አገልጋይህ ነኝ፤ማሳሰቢያዎችህን እንዳውቅ ማስተዋል ስጠኝ።+
126 ይሖዋ ሆይ፣ እርምጃ የምትወስድበት ጊዜ ደርሷል፤+ሰዎች ሕግህን ጥሰዋልና።
127 ስለዚህ እኔ ትእዛዛትህን ከወርቅ፣ምርጥ ከሆነ* ወርቅ ይበልጥ እወዳለሁ።+
128 በመሆኑም የምታስተምረው ትምህርት* በሙሉ ትክክል እንደሆነ አምናለሁ፤+የሐሰትን መንገድ ሁሉ እጠላለሁ።+
פ [ፔ]
129 ማሳሰቢያዎችህ ድንቅ ናቸው።
ስለዚህ እጠብቃቸዋለሁ።*
130 አንተ የምትገልጣቸው ቃላት ብርሃን ይፈነጥቃሉ፤+ተሞክሮ የሌላቸውን አስተዋዮች ያደርጋሉ።+
131 ትእዛዛትህን ለመስማት ከመጓጓቴ የተነሳ+አፌን ከፍቼ በረጅሙ እተነፍሳለሁ።*
132 ስምህን ለሚወዱ ሰዎች+ ከምትሰጠው ፍርድ ጋር በሚስማማ መንገድ፣ወደ እኔ ተመለስ፤ ሞገስም አሳየኝ።+
133 በቃልህ መሠረት አካሄዴን በሰላም ምራ፤*ማንኛውም ክፉ ነገር በእኔ ላይ አይሠልጥን።+
134 ጨቋኝ ከሆኑ ሰዎች ታደገኝ፤*እኔም መመሪያዎችህን እጠብቃለሁ።
135 በአገልጋይህ ላይ ፊትህን አብራ፤*+ሥርዓትህንም አስተምረኝ።
136 ሰዎች ሕግህን ስለማያከብሩእንባ ከዓይኖቼ እንደ ውኃ ፈሰሰ።+
צ [ጻዴ]
137 ይሖዋ ሆይ፣ አንተ ጻድቅ ነህ፤+ፍርዶችህም ትክክል ናቸው።+
138 የምትሰጣቸው ማሳሰቢያዎች በጽድቅ ላይ የተመሠረቱናሙሉ በሙሉ አስተማማኝ ናቸው።
139 ጠላቶቼ ቃልህን ስለረሱቅንዓቴ ይበላኛል።+
140 ቃልህ እጅግ የጠራ ነው፤+አገልጋይህም ይወደዋል።+
141 እኔ በሌሎች ዘንድ የተናቅኩና የማልረባ ነኝ፤+ሆኖም መመሪያዎችህን አልረሳሁም።
142 ጽድቅህ የዘላለም ጽድቅ ነው፤+ሕግህም እውነት ነው።+
143 ጭንቀትና ችግር ቢደርስብኝምትእዛዛትህን ምንጊዜም እወዳለሁ።
144 ማሳሰቢያህ ለዘላለም ጽድቅ ነው።
በሕይወት መኖሬን እንድቀጥል ማስተዋል ስጠኝ።+
ק [ኮፍ]
145 በሙሉ ልቤ እጣራለሁ። ይሖዋ ሆይ፣ መልስልኝ።
ሥርዓትህን እጠብቃለሁ።
146 አንተን እጣራለሁ፤ አቤቱ አድነኝ!
ማሳሰቢያዎችህን እጠብቃለሁ።
147 ጎህ ሳይቀድ* ተነስቼ እርዳታ ለማግኘት እጮኻለሁ፤+ቃልህ ተስፋዬ ነውና።*
148 በተናገርከው ቃል ላይ ማሰላሰል* እንድችል፣ክፍለ ሌሊቶቹ ከማብቃታቸው በፊት እነቃለሁ።+
149 ከታማኝ ፍቅርህ የተነሳ ድምፄን ስማ።+
ይሖዋ ሆይ፣ ከአንተ ፍትሕ ጋር በሚስማማ መንገድ በሕይወት አቆየኝ።
150 አሳፋሪ በሆነ ድርጊት* የተጠመዱ ሰዎች ወደ እኔ ቀርበዋል፤ከሕግህም ርቀዋል።
151 ይሖዋ ሆይ፣ አንተ ቅርብ ነህ፤+ትእዛዛትህም ሁሉ እውነት ናቸው።+
152 በቀድሞው ዘመን ስለ ማሳሰቢያዎችህ ተምሬአለሁ፤ለዘላለም ይጸኑ ዘንድ እንደመሠረትካቸው ተረድቻለሁ።+
ר [ረሽ]
153 የደረሰብኝን ጉስቁልና ተመልከት፤ ደግሞም ታደገኝ፤+ሕግህን አልረሳሁምና።
154 ተሟገትልኝ፤* ደግሞም ታደገኝ፤+በገባኸው * ቃል መሠረት በሕይወት አቆየኝ።
155 ክፉዎች ሥርዓትህን ስላልፈለጉመዳን ከእነሱ ርቋል።+
156 ይሖዋ ሆይ፣ ምሕረትህ ታላቅ ነው።+
ከአንተ ፍትሕ ጋር በሚስማማ መንገድ በሕይወት አቆየኝ።
157 አሳዳጆቼና ጠላቶቼ ብዙ ናቸው፤+እኔ ግን ከማሳሰቢያዎችህ ፈቀቅ አላልኩም።
158 ከዳተኛ የሆኑ ሰዎችን ተጸየፍኩ፤ምክንያቱም አንተ የተናገርከውን አይጠብቁም።+
159 መመሪያዎችህን ምን ያህል እንደምወድ ተመልከት!
ይሖዋ ሆይ፣ ከታማኝ ፍቅርህ የተነሳ በሕይወት አቆየኝ።+
160 የቃልህ ፍሬ ነገር እውነት ነው፤+በጽድቅ ላይ የተመሠረተው ፍርድህ ሁሉ ለዘላለም ጸንቶ ይኖራል።
ש [ሲን] ወይም [ሺን]
161 መኳንንት ያለምክንያት ያሳድዱኛል፤+ልቤ ግን ለቃልህ ጥልቅ አክብሮት አለው።+
162 ብዙ ምርኮ እንዳገኘ ሰው፣እኔም አንተ በተናገርከው ነገር ሐሴት አደርጋለሁ።+
163 ውሸትን እጠላለሁ፤ ደግሞም እጸየፈዋለሁ፤+ሕግህን ግን እወዳለሁ።+
164 በጽድቅ ላይ ከተመሠረቱት ፍርዶችህ የተነሳበቀን ሰባት ጊዜ አወድስሃለሁ።
165 ሕግህን የሚወዱ ብዙ ሰላም አላቸው፤+ሊያደናቅፋቸው የሚችል ምንም ነገር የለም።*
166 ይሖዋ ሆይ፣ የማዳን ሥራህን ተስፋ አደርጋለሁ፤ትእዛዛትህንም እፈጽማለሁ።
167 ማሳሰቢያዎችህን እጠብቃለሁ፤*ደግሞም እጅግ እወዳቸዋለሁ።+
168 መመሪያዎችህንና ማሳሰቢያዎችህን እጠብቃለሁ፤የማደርገውን ነገር ሁሉ ታውቃለህና።+
ת [ታው]
169 ይሖዋ ሆይ፣ እርዳታ ለማግኘት የማሰማው ጩኸት ወደ አንተ ይድረስ።+
እንደ ቃልህ ማስተዋል ስጠኝ።+
170 ሞገስ ለማግኘት የማቀርበው ልመና ወደ አንተ ይድረስ።
ቃል በገባኸው* መሠረት አድነኝ።
171 ሥርዓትህን ስለምታስተምረኝከንፈሮቼ ውዳሴን ያፍልቁ።+
172 አንደበቴ ስለተናገርከው ቃል ይዘምር፤+ትእዛዛትህ ሁሉ ጽድቅ ናቸውና።
173 መመሪያዎችህን ለመታዘዝ ስለምመርጥ፣+እጅህ እኔን ለመርዳት ዝግጁ ይሁን።+
174 ይሖዋ ሆይ፣ ማዳንህን እናፍቃለሁ፤ሕግህንም እወዳለሁ።+
175 አወድስህ ዘንድ በሕይወት ልኑር፤*+አንተ ያወጣሃቸው ፍርዶች ይርዱኝ።
176 እንደጠፋ በግ ተቅበዘበዝኩ።+ አገልጋይህን ፈልገው፤ትእዛዛትህን አልረሳሁምና።+
የግርጌ ማስታወሻዎች
^ ወይም “ንጹሕ አቋማቸውን የሚጠብቁ።”
^ ቃል በቃል “ምነው መንገዴ ጽኑ በሆነልኝ!”
^ ወይም “መመሪያዎችህን አጠናለሁ።”
^ ወይም “ነፍሴ . . . ከመናፈቋ የተነሳ ዛለች።”
^ ቃል በቃል “ከላዬ ላይ አርቅ።”
^ ወይም “ሥርዓትህን ያጠናል።”
^ ወይም “ነፍሴ አፈር ላይ ተደፍታለች።”
^ ወይም “አስደናቂ የሆኑትን ሥራዎችህን አጠና ዘንድ።”
^ ወይም “ነፍሴ እንቅልፍ አጣች።”
^ ወይም “ለኀፍረት።”
^ “ልቤ የመተማመን ስሜት እንዲያድርበት ስላደረግክ” ማለትም ሊሆን ይችላል።
^ ቃል በቃል “እሮጣለሁ።”
^ ወይም “እንድሄድ አድርገኝ።”
^ ወይም “ትርፍ።”
^ ወይም “የተናገርከውን ነገር።”
^ “ለሚፈሩህ የገባኸውን ቃል፣ ለአገልጋይህ ፈጽም” ማለትም ሊሆን ይችላል።
^ ወይም “በተናገርከው።”
^ ወይም “ፍርድህን እጠባበቃለሁና።”
^ ወይም “ሰፊ በሆነ ስፍራ።”
^ ወይም “ሥርዓትህንም አጠናለሁ።”
^ ወይም “የሰጠኸውን ተስፋ።”
^ ወይም “ይህን ቃል እንድጠባበቅ አድርገኸኛል።”
^ ወይም “የባዕድ አገር ሰው ሆኜ በምኖርበት ቤት።”
^ ወይም “በተናገርከው።”
^ ወይም “በስህተት ኃጢአት እሠራ ነበር።”
^ ቃል በቃል “ልባቸው እንደ ስብ ደንድኗል።”
^ ወይም “ቃልህን እጠባበቃለሁና።”
^ ወይም “በተናገርከው።”
^ “በውሸት” ማለትም ሊሆን ይችላል።
^ ወይም “መመሪያዎችህን አጠናለሁ።”
^ ወይም “ነፍሴ ማዳንህን ከመናፈቋ የተነሳ ዛለች።”
^ ወይም “ቃልህን እጠባበቃለሁና።”
^ የፍጥረት ሥራዎቹን በሙሉ ያመለክታል።
^ ቃል በቃል “በጣም ሰፊ ነው።”
^ ወይም “ቀኑን ሙሉ አጠናዋለሁ።”
^ ወይም “ማሳሰቢያዎችህን ስለማጠና።”
^ ቃል በቃል “በአፌ በፈቃደኝነት የማቀርበውን መባ።”
^ ወይም “ነፍሴ ሁልጊዜ እጄ ውስጥ ናት።”
^ ወይም “ዘላለማዊ ውርሻዬ።”
^ ቃል በቃል “ልቤን አዘንብያለሁ።”
^ ወይም “የተከፈለ ልብ ያላቸውን ሰዎች።”
^ ወይም “ቃልህን እጠባበቃለሁና።”
^ ወይም “በተናገርከው።”
^ ወይም “እንዳፍር አታድርግ።”
^ ቃል በቃል “ሥጋዬ።”
^ ወይም “የተናገርከውን።”
^ ወይም “ከጠራ።”
^ ወይም “መመሪያህ።”
^ ወይም “ነፍሴ ትጠብቃቸዋለች።”
^ ቃል በቃል “አፌን ከፍቼ አለከልካለሁ።”
^ ወይም “አካሄዴን አጽና።”
^ ቃል በቃል “ዋጀኝ።”
^ ወይም “ለአገልጋይህ ፈገግታ አሳይ።”
^ ወይም “በማለዳ ወጋገን።”
^ ወይም “ቃልህን እጠባበቃለሁና።”
^ ወይም “ቃልህን ማጥናት።”
^ ወይም “ጸያፍ በሆነ ምግባር።”
^ ወይም “ጥብቅና ቁምልኝ።”
^ ወይም “በተናገርከው።”
^ ወይም “እንቅፋትም የለባቸውም።”
^ ወይም “ነፍሴ ማሳሰቢያዎችህን ትጠብቃለች።”
^ ወይም “በተናገርከው።”
^ ወይም “ነፍሴ በሕይወት ትኑር።”
