መዝሙር 138:1-8
የዳዊት መዝሙር።
138 በሙሉ ልቤ አወድስሃለሁ።+
በሌሎች አማልክት ፊትየውዳሴ መዝሙር እዘምራለሁ።*
2 ከታማኝ ፍቅርህና ከታማኝነትህ የተነሳወደ ቅዱስ መቅደስህ እሰግዳለሁ፤+ስምህንም አወድሳለሁ።+
ቃልህና ስምህ ከሁሉም ነገር በላይ ጎልቶ እንዲታይ አድርገሃልና።*
3 በተጣራሁ ቀን መለስክልኝ፤+ደፋርና* ብርቱ አደረግከኝ።+
4 ይሖዋ ሆይ፣ የምድር ነገሥታት ሁሉ ያወድሱሃል፤+የተናገርካቸውን የተስፋ ቃሎች ይሰማሉና።
5 ስለ ይሖዋ መንገዶች ይዘምራሉ፤የይሖዋ ክብር ታላቅ ነውና።+
6 ይሖዋ ከፍ ያለ ቢሆንም ትሑት የሆነውን ሰው ይመለከታል፤+ትዕቢተኛውን ግን ወደ እሱ እንዲቀርብ አይፈቅድም።+
7 አደገኛ በሆነ አካባቢ ባልፍም እንኳ አንተ ሕይወቴን ትጠብቃለህ።+
በጠላቶቼ ቁጣ ላይ እጅህን ትዘረጋለህ፤ቀኝ እጅህ ያድነኛል።
8 ይሖዋ ለእኔ ሲል ሁሉንም ነገር ይፈጽማል።
ይሖዋ ሆይ፣ ታማኝ ፍቅርህ ለዘላለም ጸንቶ ይኖራል፤+የእጅህን ሥራ ቸል አትበል።+
የግርጌ ማስታወሻዎች
^ “ሌሎች አማልክትን በመቃወም ለአንተ ዜማ አሰማለሁ” ማለትም ሊሆን ይችላል።
^ “ከስምህ ሁሉ በላይ ቃልህ ጎልቶ እንዲታይ አድርገሃል” ማለትም ሊሆን ይችላል።
^ ወይም “በነፍሴ ደፋርና።”
