መዝሙር 148:1-14
148 ያህን አወድሱ!*
ይሖዋን ከሰማያት አወድሱት፤+በከፍታ ቦታዎች አወድሱት።
2 መላእክቱ ሁሉ፣ አወድሱት።+
ሠራዊቱ ሁሉ፣+ አወድሱት።
3 ፀሐይና ጨረቃ፣ አወድሱት።
የምታብረቀርቁ ከዋክብት ሁሉ፣ አወድሱት።+
4 ሰማየ ሰማያት፣ አወድሱት፤ከሰማያት በላይ ያላችሁ ውኃዎች፣ አወድሱት።
5 የይሖዋን ስም ያወድሱ፤እሱ ስላዘዘ ተፈጥረዋልና።+
6 ለዘላለም አጸናቸው፤+ጊዜ የማይሽረው ድንጋጌ አውጥቷል።+
7 ይሖዋን ከምድር አወድሱት፤እናንተ ግዙፍ የባሕር ፍጥረታትና ጥልቅ ውኃዎች ሁሉ፣
8 መብረቅና በረዶ፣ አመዳይና ጥቅጥቅ ያለ ደመና፣አንተም ቃሉን የምትፈጽም አውሎ ነፋስ፣+
9 እናንተ ተራሮችና ኮረብቶች ሁሉ፣+እናንተ ፍሬ የምታፈሩ ዛፎችና አርዘ ሊባኖሶች ሁሉ፣+
10 እናንተ የዱር እንስሳትና+ የቤት እንስሳት ሁሉ፣እናንተ መሬት ለመሬት የምትሳቡ ፍጥረታትና ክንፍ ያላችሁ ወፎች፣
11 እናንተ የምድር ነገሥታትና ብሔራት ሁሉ፣እናንተ መኳንንትና የምድር ፈራጆች ሁሉ፣+
12 እናንተ ወጣት ወንዶችና ወጣት ሴቶች፣*ሽማግሌዎችና ልጆች በኅብረት አወድሱት።
13 የይሖዋን ስም ያወድሱ፤ስሙ ብቻውን ከሌሎች ሁሉ በላይ ነውና።+
ግርማው ከምድርና ከሰማይ በላይ ነው።+
14 ታማኝ አገልጋዮቹ ሁሉ፣ማለትም ለእሱ ቅርብ የሆኑት የሕዝቡ የእስራኤል ልጆች ይወደሱ ዘንድየሕዝቡን ብርታት* ከፍ ያደርጋል።
ያህን አወድሱ!*
የግርጌ ማስታወሻዎች
^ ወይም “ሃሌሉያህ!” “ያህ” የይሖዋ ስም አጭር መጠሪያ ነው።
^ ቃል በቃል “ደናግል።”
^ ቃል በቃል “ቀንድ።”
^ ወይም “ሃሌሉያህ!” “ያህ” የይሖዋ ስም አጭር መጠሪያ ነው።
