ሰዎች በዓለም ላይ በሚከሰተው ቀውስ ሲጨነቁ ብዙውን ጊዜ ከሌሎች ጋር ያላቸው ግንኙነት ይሻክራል።

• ሰዎች ራሳቸውን ከጓደኞቻቸው ያገልላሉ።

• በባልና ሚስት መካከል የሚፈጠረው ግጭት ይጨምራል።

• ወላጆች የልጆቻቸውን ጭንቀት ሳያስተውሉ ይቀራሉ።

• ከሌሎች ጋር የምትመሠርተው ወዳጅነት ለአካላዊም ሆነ ለስሜታዊ ደህንነትህ በጣም አስፈላጊ ነው፤ በተለይ አስቸጋሪ በሆነ ጊዜ።

• ዓለም ላይ የሚከሰቱት ቀውሶች የሚፈጥሩት ውጥረት ባላሰብከው መንገድ የቤተሰብ ሕይወትህን ሊፈታተነው ይችላል።

• መጥፎ ዜናዎች ልጆችህን ከምታስበው በላይ ሊረብሿቸው ይችላሉ።

መጽሐፍ ቅዱስ እንዲህ ይላል፦ “እውነተኛ ወዳጅ ምንጊዜም አፍቃሪ ነው፤ ደግሞም ለመከራ ቀን የተወለደ ወንድም ነው።”—ምሳሌ 17:17

በችግር ጊዜ ከጎንህ የሚቆም እንዲሁም ጠቃሚ ምክር የሚሰጥህ ወዳጅ አለህ? እስቲ ይህን ወዳጅህን ለማሰብ ሞክር። ከልቡ የሚያስብልህ ሰው ከጎንህ እንዳለ ማወቅህ በራሱ የሕይወትን ፈተና ለማሸነፍ አቅም ይሰጥሃል።