አንድ ስፖርተኛ ብቃቱን ይዞ ለመቀጠል ሁልጊዜ ልምምድ በማድረግ ጡንቻዎቹን ማሠራት አለበት። በተመሳሳይ እኛም፣ የማስተዋል ችሎታችንን ለማሠልጠንና ይህን ችሎታችንን ይዘን ለመቀጠል የማያቋርጥ ጥረት ማድረግ ያስፈልገናል። (ዕብ 5:14) እርግጥ ነው፣ ብዙ ጊዜ የሚቀናን የሌሎችን ውሳኔ አይተን በዚያ መሠረት መወሰን ሊሆን ይችላል፤ ይሁንና የማሰብ ችሎታችንን ማሠራትና የራሳችንን ውሳኔ ማድረግ ይኖርብናል። ለምን? ምክንያቱም እያንዳንዳችን ለምናደርገው ውሳኔ ለአምላክ መልስ እንሰጣለን።—ሮም 14:12

በእውነት ቤት ረጅም ዓመት ስለቆየን ብቻ ጥሩ ውሳኔ እንደምናደርግ ሊሰማን አይገባም። ጥበብ የሚንጸባረቅበት ውሳኔ ለማድረግ ከይሖዋ፣ ከቃሉና ከድርጅቱ በምናገኘው እርዳታ ሙሉ በሙሉ መጠቀም ይኖርብናል።—ኢያሱ 1:7, 8፤ ምሳሌ 3:5, 6፤ ማቴ 24:45

“ጥሩ ሕሊና ይኑራችሁ” የሚለውን ቪዲዮ ተመልከት፤ ከዚያም የሚከተሉትን ጥያቄዎች ለመመለስ ሞክር፦

• ኤማ፣ ውሳኔ ማድረግ የሚጠይቅ ምን ሁኔታ አጋጥሟት ነበር?

• ለሕሊና ከተተዉ ጉዳዮች ጋር በተያያዘ የራሳችንን አመለካከት በሌሎች ላይ መጫን የሌለብን ለምንድን ነው?

• አንድ ባልና ሚስት ለኤማ ምን ጥሩ ምክር ሰጥተዋታል?

• ኤማ፣ ላለችበት ሁኔታ የሚሠራ ጠቃሚ መረጃ ያገኘችው ከየት ነው?