መጽሐፍ ቅዱስን የምናስጠናበት አዲስ ብሮሹርና መጽሐፍ በማግኘታችን በጣም ተደስተናል! ይሖዋ፣ ተጨማሪ ደቀ መዛሙርት ለማፍራት የምናደርገውን ጥረት እንዲባርክልን እንጸልያለን። (ማቴ 28:18-20፤ 1ቆሮ 3:6-9) እነዚህን አዳዲስ መሣሪያዎች የምንጠቀምባቸው እንዴት ነው?

ለዘላለም በደስታ ኑር! የተባለው አሳታፊ የመጽሐፍ ቅዱስ መማሪያ፣ አዲስ ዓይነት የማስተማር ስልት የሚከተል ነው፤ በመሆኑም መጽሐፍ ቅዱስ ለማስጠናት ስትዘጋጁም ሆነ ጥናቱን ስትመሩ እነዚህን መሠረታዊ መመሪያዎች ተከተሉ። *

• ሐሳቡን አንብቡና በጥያቄዎቹ ላይ ተወያዩ

• “አንብብ” የሚሉትን ጥቅሶች አንብቡ፤ ከዚያም ተማሪው ጥቅሱ የተጠቀሰበትን ዓላማ እንዲያስተውል እርዱት

• ቪዲዮዎቹን ተመልክታችሁ ተወያዩባቸው፤ ለውይይት የቀረቡ ጥያቄዎች ካሉ እነሱን ተጠቀሙ

• አንዱን ምዕራፍ በአንድ የጥናት ክፍለ ጊዜ ለመሸፈን ጥረት አድርጉ

በአገልግሎት ላይ፣ ግለሰቡ ፍላጎት እንዳለውና እንደሌለው ለማወቅ በመጀመሪያ ብሮሹሩን አበርክቱ። (“ በምንመሠክርበት ጊዜ ለዘላለም በደስታ ኑር! የተባለውን ብሮሹር ማበርከት የምንችለው እንዴት ነው?” የሚለውን ሣጥን ተመልከት።) ብሮሹሩን አጥንታችሁ ከጨረሳችሁና ተማሪው ጥናቱን የመቀጠል ፍላጎት ካለው መጽሐፉን አበርክታችሁለት ከምዕራፍ 04 ጀምራችሁ ጥናታችሁን ቀጥሉ። ምን ያስተምረናል? ወይም በአምላክ ፍቅር ኑሩ የሚሉትን መጻሕፍት የሚያጠና ጥናት ካላችሁ ለዘላለም በደስታ ኑር! ወደተባለው መጽሐፍ እንዲዛወር አድርጉ፤ እንዲሁም ከየትኛው ምዕራፍ ቢጀምር የተሻለ እንደሆነ ወስኑ።

ለመጽሐፍ ቅዱስ ጥናት ፕሮግራምህ እንኳን ደህና መጣህ የሚለውን ቪዲዮ ተመልከት፤ ከዚያም የሚከተሉትን ጥያቄዎች ለመመለስ ሞክር፦

• ጥናቶች አዲሱን መጽሐፍ በማጥናት ምን ትምህርት ያገኛሉ?

• ይህን ቪዲዮ ለአዲስ ጥናቶች ማሳየት ያለባችሁ ለምንድን ነው?

• ተማሪው ደረጃ በደረጃ የትኞቹን ግቦች እንዲያወጣና የትኞቹ ግቦች ላይ እንዲደርስ ልታበረታቱት ትችላላችሁ?—“ የእያንዳንዱ ክፍል ፍሬ ሐሳብና ግብ” የሚለውን ሠንጠረዥ ተመልከት