በኅዳር ወር፣ በቅርቡ አዲስ ዓለም እንደሚመጣ የሚገልጸውን ምሥራች ለሰዎች ለመንገር ልዩ ጥረት እናደርጋለን። (መዝ 37:10, 11፤ ራእይ 21:3-5) በዘመቻው የተሟላ ተሳትፎ ለማድረግ ከወዲሁ ፕሮግራማችሁን ማስተካከል ትችላላችሁ። በዚህ ወር ረዳት አቅኚ መሆን ከፈለጋችሁ በ30 ወይም በ50 ሰዓት ግብ ማገልገል ትችላላችሁ።

በተቻለ መጠን ለብዙ ሰዎች ስለ አዲሱ ዓለም የሚገልጽ ጥቅስ ለማንበብ ዝግጅት አድርጉ። ጥቅስ ስትመርጡ በክልላችሁ ያሉትን ሰዎች ትኩረት የሚስበው ምን እንደሆነ አስቡ። የመሠከራችሁለት ግለሰብ ፍላጎት እንዳለው ካሳየ ለሕዝብ የሚሰራጨውን መጠበቂያ ግንብ ቁጥር 2 2021 አበርክቱለት። ከዚያም ለግለሰቡ ሳትዘገዩ ተመላልሶ መጠየቅ ለማድረግና ለዘላለም በደስታ ኑር! በተባለው ብሮሹር አማካኝነት ጥናት ለማስጀመር ጥረት አድርጉ። “የተሻለ ነገር እንደሚመጣ ምሥራች” በማብሰር መጠመድ ምንኛ አስደሳች ነው!—ኢሳ 52:7

ያ አዲስ ዘመን የተባለውን የኦሪጅናል መዝሙር ቪዲዮ ተመልከት፤ ከዚያም የሚከተሉትን ጥያቄዎች ለመመለስ ሞክር፦

• ትንሿ ልጅ ስለ ወደፊቱ ጊዜ በዓይነ ሕሊናዋ ምን እያሰበች ነው?

• በአዲሱ ዓለም ውስጥ በጣም የምትጓጓለት ነገር ምንድን ነው?

• በተስፋህ ላይ ማሰላሰልህ በኅዳር ወር ዘመቻ ሙሉ ተሳትፎ ለማድረግ የሚያዘጋጅህ እንዴት ነው?—ሉቃስ 6:45