ኢየሱስ ፈተና ወይም ስደት ሲያጋጥመን ልንከተለው የሚገባ ግሩም ምሳሌ ትቶልናል። (1ጴጥ 2:21-23) ሲሰድቡት መልሶ አልተሳደበም፤ ሥቃይ ሲያደርሱበትም እንኳ አጸፋ ከመመለስ ተቆጥቧል። (ማር 15:29-32) ኢየሱስን እንዲጸና የረዳው ምንድን ነው? የይሖዋን ፈቃድ ለማድረግ ቁርጥ ውሳኔ አድርጎ ነበር። (ዮሐ 6:38) በተጨማሪም ትኩረቱ ያረፈው ‘ከፊቱ በሚጠብቀው ደስታ’ ላይ ነበር።—ዕብ 12:2

በእምነታችን ምክንያት በደል ሲፈጸምብን ምን ምላሽ እንሰጣለን? እውነተኛ ክርስቲያኖች ‘በክፉ ፋንታ ክፉ አይመልሱም።’ (ሮም 12:14, 17) ክርስቶስ የደረሰበትን ፈተና ተቋቁሞ በማለፍ ረገድ የተወውን ምሳሌ የምንከተል ከሆነ የአምላክን ሞገስ ስለምናገኝ ደስተኞች እንሆናለን።—ማቴ 5:10-12፤ 1ጴጥ 4:12-14

ትልቁ ነገር የይሖዋ ስም ነው የተባለውን ቪዲዮ ተመልከት፤ ከዚያም የሚከተሉትን ጥያቄዎች ለመመለስ ሞክር፦

• እህት ፖይትጺንገር ለብቻዋ ታስራ በነበረበት ወቅት ጊዜዋን በጥበብ የተጠቀመችበት እንዴት ነው?

• እህት ፖይትጺንገርና ባለቤቷ በተለያዩ የማጎሪያ ካምፖች ውስጥ ምን መከራ ደርሶባቸዋል?

• እንዲጸኑ የረዳቸው ምንድን ነው?