አስፈላጊ የሆነው ለምንድን ነው? ሰዎች ይሖዋን እሱ በሚፈልገው መንገድ ለማምለክ መመሪያዎቹን ማወቅና ከዚያ ጋር በሚስማማ መንገድ መኖር አለባቸው። (ኢሳ 2:3, 4) “ከአምላክ ፍቅር” የተባለው ሁለተኛው የማስጠኛ መጽሐፋችን የመጽሐፍ ቅዱስ ጥናቶቻችን የአምላክን መሠረታዊ ሥርዓቶች በዕለት ተለት ሕይወታቸው ተግባራዊ ማድረግ የሚችሉት እንዴት እንደሆነ እንዲገነዘቡ ይረዳቸዋል። (ዕብ 5:14) ጥናቶቻችን ለውጥ ለማድረግ የሚያነሳሳ ትክክለኛ ውስጣዊ ግፊት እንዲኖራቸው ከፈለግን በምናስጠናቸው ወቅት ልባቸውን ለመንካት ጥረት ማድረግ ይኖርብናል።—ሮም 6:17

ይህን ማድረግ የሚቻለው እንዴት ነው?

• ጥናትህ የሚያስፈልጉትን ነገሮች ግምት ውስጥ አስገብተህ በሚገባ ተዘጋጅ። ስለሚማራቸው ነገሮች ያለውን ስሜት ለማወቅ የሚረዱ የአመለካከት ጥያቄዎች አዘጋጅ።—ምሳሌ 20:5፤ be 259

• የመጽሐፍ ቅዱስን መሠረታዊ ሥርዓቶች ተግባራዊ ማድረግ ያለውን ጥቅም ተማሪው እንዲገነዘብ ለመርዳት በመጽሐፉ ውስጥ ያሉትን ሣጥኖች ተጠቀምባቸው

• ተማሪው ለሕሊና የተተዉ ጉዳዮችን በሚገባ እንዲገነዘብ እርዳው፤ ውሳኔ እንዳታደርግለት ግን ተጠንቀቅ።—ገላ 6:5

• ተማሪው አንድን የመጽሐፍ ቅዱስ መሠረታዊ ሥርዓት ተግባራዊ በማድረግ ረገድ እርዳታ ያስፈልገው እንደሆነ በዘዴ ለማወቅ ሞክር። ለውጥ ለማድረግ ሊያነሳሳው የሚገባው ለይሖዋ ያለው ፍቅር እንደሆነ በደግነት ጠቁመው።—ምሳሌ 27:11፤ ዮሐ 14:31