በኢሳይያስ ምዕራፍ 65 ላይ ተመዝግቦ የሚገኘው አምላክ የተናገረው የተሃድሶ ተስፋ መፈጸሙ በጣም የተረጋገጠ ከመሆኑ የተነሳ ይሖዋ ልክ እንደተፈጸመ አድርጎ ተናግሯል።

ይሖዋ ያለፉት ነገሮች የማይታሰቡበት አዲስ ሰማያትና አዲስ ምድር ይፈጥራል

አዲሶቹ ሰማያት ምንድን ናቸው?

• በምድር ላይ ጽድቅ እንዲሰፍን የሚያደርግ አዲስ መስተዳድር

• ይህ መስተዳድር የተቋቋመው፣ በ1914 ክርስቶስ የአምላክ መንግሥት ንጉሥ ሆኖ ዙፋኑን በተረከበበት ወቅት ነው

አዲሱ ምድር ምንድን ነው?

• ከሁሉም ብሔር፣ ቋንቋና ጎሳ የተውጣጡና በሰማይ ለተቋቋመው አዲስ መስተዳድር በፈቃደኝነት የሚገዙ ሰዎችን ያቀፈ ማኅበረሰብ

“የቀድሞዎቹ ነገሮች አይታሰቡም” ሲባል ምን ማለት ነው?

• መጥፎ ትዝታ እንዲኖረን የሚያደርግ አካላዊ፣ አእምሯዊና ስሜታዊ ሥቃይ በሙሉ ይወገዳል

• ታማኝ የሆኑ የሰው ልጆች በሕይወታቸው ሙሉ በሙሉ ደስተኞች ይሆናሉ፤ እያንዳንዱ ቀን ባለፈ ቁጥር አስደሳች ትዝታ ይኖራቸዋል