ክርስቲያናዊ ሕይወት
“አምላክ ያጣመረውን . . .”
አንድ ሰው ሚስቱን ሊፈታ ካሰበ ሕጋዊ የምሥክር ወረቀት ማዘጋጀት እንዳለበት የሙሴ ሕግ ያዛል። ይህም ሰዎች ቸኩለው ጋብቻቸውን እንዳያፈርሱ ይከላከላል። ሆኖም በኢየሱስ ዘመን የነበሩ የሃይማኖት መሪዎች ፍቺ መፈጸም ቀላል እንዲሆን አድርገው ነበር። አንድ ሰው ሚስቱን በፈለገው ምክንያት መፍታት ይችል ነበር። (nwtsty ለጥናት የሚረዱ መረጃዎች—ማር 10:4, 11) ኢየሱስ የጋብቻ ዝግጅት እንዲቋቋም ያደረገው ይሖዋ እንደሆነ ተናግሯል። (ማር 10:2-12) ባልና ሚስት ለዘለቄታው “አንድ ሥጋ” መሆን አለባቸው። ማቴዎስ በጻፈው ተመሳሳይ ዘገባ ላይ እንደተገለጸው ለፍቺ የሚያበቃው ቅዱስ ጽሑፋዊ ምክንያት ‘የፆታ ብልግና’ ብቻ ነው።—ማቴ 19:9
በዛሬው ጊዜ ያሉ አብዛኞቹ ሰዎች ስለ ትዳር የኢየሱስ ዓይነት ሳይሆን የፈሪሳውያን ዓይነት አመለካከት አላቸው። በዓለም ያሉ ሰዎች ችግሮች ሲነሱ ቶሎ የሚያስቡት መፋታትን ነው። ክርስቲያን ባለ ትዳሮች ግን የገቡትን የጋብቻ ቃለ መሃላ ከፍ አድርገው ይመለከቱታል፤ እንዲሁም የሚያጋጥሟቸውን ችግሮች የመጽሐፍ ቅዱስን መሠረታዊ ሥርዓቶች ተጠቅመው ለመፍታት ከፍተኛ ጥረት ያደርጋሉ። ፍቅርና አክብሮት ቤተሰብን አንድ ያደርጋል የተባለውን ቪዲዮ ተመልከቱ፤ ከዚያም የሚከተሉትን ጥያቄዎች ለመመለስ ሞክሩ፦
