ታላቁ መከራ እየቀረበ በመሆኑ የስብከት ሥራችን አጣዳፊ ነው። (ምሳሌ 24:11, 12, 20) የአድራሻ ካርዶችን በመጠቀም ሰዎች ወደ አምላክ ቃልና ወደ ድረ ገጻችን ትኩረት እንዲያደርጉ መርዳት እንችላለን። ካርዱ መጽሐፍ ቅዱስን መማር የሚኖርብን ለምንድን ነው? ወደተባለው ቪዲዮ የሚወስድ ኮድ አለው፤ እንዲሁም ተጨማሪ መረጃ ለማግኘት ወይም መጽሐፍ ቅዱስን ለማጥናት ጥያቄ እንዲያቀርቡ ይጋብዛል። አንዳንድ ሰዎች ጽሑፎቻችንን መውሰድ ባይፈልጉም ድረ ገጻችንን ለመጎብኘት ፈቃደኛ ናቸው። እንዲህ ላሉት ሰዎች በተቻለ መጠን ካርዱን ልንሰጣቸው ይገባል። ሆኖም ምንም ፍላጎት ለሌላቸው ሰዎች ካርዱን መስጠት አይኖርብንም።

ዕለታዊ እንቅስቃሴዎቻችንን ስናከናውን የሰዎችን ፍላጎት ለመቀስቀስ እንዲህ ማለት እንችላለን፦ “ልሰጥህ ያሰብኩት አንድ ነገር አለ። ይህ ካርድ ስለተለያዩ ርዕሰ ጉዳዮች የሚናገሩ መረጃዎችንና ቪዲዮዎችን በነፃ ማግኘት የምትችልበትን ድረ ገጽ ይጠቁምሃል።” (ዮሐ 4:7) ካርዶቹ መጠናቸው አነስተኛ በመሆኑ በማንኛውም አጋጣሚ ለምታገኟቸው ሰዎች ለመስጠት የተወሰኑ ካርዶችን መያዝ ትችላላችሁ።