ሰኔ 3, 2024
ሩሲያ

‘ሕይወቴ የሚያጠነጥነው በይሖዋ ዙሪያ ነው’

አጫውት

በክራስኖዳር ግዛት የሚገኘው የቭይሴልኮቭስኪ አውራጃ ፍርድ ቤት፣ ከእህት የሌና ጋድርሺና ክስ ጋር በተያያዘ በቅርቡ ውሳኔ እንደሚሰጥ ይጠበቃል። አቃቤ ሕጉ እንዲተላለፍባት የሚፈልገውን ብይን ገና አላሳወቀም።

አጭር መግለጫ

የሌና ጋድርሺና

ትውልድ፦ 1958 (ባዛርኒ ሲዝጋን፣ ኡልያኖቭስክ ክልል)

ግለ ታሪክ፦ ጡረታ ከመውጣቷ በፊት የሒሳብ ባለሙያ ነበረች

አንዲት ልጅ አለቻት

ከይሖዋ ምሥክሮች ጋር ማጥናት ከጀመረች በኋላ የአምላክ መንግሥት በምድር ላይ እውነተኛ ሰላም እንደሚያሰፍን ስትማር ተጽናናች። በ1999 ተጠመቀች

የሰጠችው ሐሳብ

ፍርሃትሽን ለማሸነፍ የረዳሽ ምንድን ነው?

መዝሙር 74:22⁠ን ለማስታወስ ጥረት አደርጋለሁ፤ “አምላክ ሆይ፣ ተነስ፤ ደግሞም ለራስህ ተሟገት” ይላል። ይህ ጥቅስ፣ ችሎት ፊት የቀረብኩት ለይሖዋ ስም ለመሟገት እንደሆነ ያስታውሰኛል፤ በመሆኑም ለስሙ ጥብቅና ለመቆም እንደሚረዳኝ አውቃለሁ። በሕይወቴ ውስጥ በጣም አስፈላጊው ነገር ምን እንደሆነ ማሰቤም ፍርሃቴን ለመቆጣጠር በእጅጉ ረድቶኛል። ፕላኔቶች ፀሐይን ይዞራሉ፤ ፀሐይ መሃል ሆና ሁሉም ቦታ ቦታውን እንዲይዝ ታደርጋለች። የእኔም ሁኔታ ተመሳሳይ ነው። ሕይወቴ የሚያጠነጥነው በይሖዋ ዙሪያ ስለሆነ ሁሉም ነገር ሰምሮልኛል።

እንደ የሌና ሁሉ እኛም ይሖዋ በኃይሉ እንደሚደግፈንና እንደሚጠብቀን ስለምናውቅ አመስጋኞች ነን።—መዝሙር 54:1, 2

የክሱ ሂደት

የካቲት 13, 2022

ቤቷ ተፈተሸ። ኤሌክትሮኒክ መሣሪያዎቿ፣ የባንክ ካርዶቿና የግል መረጃዎቿ ተወረሱ
ሰኔ 15, 2023

የወንጀል ክስ ተመሠረተባት
ነሐሴ 10, 2023

ምርመራ ተደረገባት፤ ከዚያም የጉዞ እገዳዎች ተጣሉባት
ጥር 30, 2024

ክሷ በፍርድ ቤት መታየት ጀመረ

እነዚህንስ አይተሃቸዋል?

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች