ወንድም ዴኒስ ክሪስተንሰን ለቅጣት ከታሰረበት ክፍል a ይወጣል የተባለው ሐምሌ 6, 2020 ነበር። ሆኖም በዚያው ቀን የልጎፍ እስር ቤት አርፋጅነትን ጨምሮ ሌሎች መሠረተ ቢስ ክሶችን እንደ ምክንያት በመጥቀስ ወንድም ክሪስተንሰን በዚያ ክፍል ውስጥ ለአምስት ተጨማሪ ቀናት እንዲቆይ አድርጓል።

ባለሥልጣናቱ ቀደም ብሎ ለመፈታት ያቀረበው ጥያቄ ውድቅ እንዲሆን ስለፈለጉ ሆን ብለው እየዋሹ እንደሆነ ወንድም ክሪስተንሰን ለጠበቃው ነግሮታል። ከአንድ ዓመት ከሚበልጥ ጊዜ በፊት ወንድም ክሪስተንሰን ከተፈረደበት የስድስት ዓመት እስር ውስጥ የተወሰነውን በእስር እንዳሳለፈ ይታወሳል፤ በእስር ያሳለፈው ጊዜ ቀደም ብሎ የመፈታት ጥያቄ ለማቅረብ ብቁ እንዲሆን ያደርገዋል። ሆኖም አራት ጊዜ ማመልከቻ ቢያስገባም የልጎፍ ፍርድ ቤትና የእስር ቤት ጠባቂዎች ጥያቄው ተቀባይነት እንዳያገኝ እያደረጉ ነው።

የሩሲያ ባለሥልጣናት የውድ ወንድሞቻችንን ስም ማጉደፋቸውን ቀጥለዋል፤ ሆኖም ይሖዋ ሰላም በመስጠትና ‘ሞገሱ እንደ ትልቅ ጋሻ እንዲሆንላቸው’ በማድረግ ወንድሞቻችንን እንደሚረዳቸው እንተማመናለን።—መዝሙር 5:12፤ 119:69