ታኅሣሥ 2, 2022
ሩሲያ

“በጣም አስፈላጊ ነገር እያከናወንኩ ነው”

አጫውት

በታምቦቭ የሚገኘው የሌኒንስኪ አውራጃ ፍርድ ቤት፣ የወንድም ኦሌግ ሲሮትኪንን ጉዳይ ተመልክቶ በቅርቡ ብይን ያስተላልፋል ተብሎ ይጠበቃል። አቃቤ ሕጉ እንዲተላለፍበት የሚፈልገውን ብይን ገና አላሳወቀም።

አጭር መግለጫ

ኦሌግ ሲሮትኪን

የትውልድ ዘመን፦ 1964 (ያሮስላቭል፣ ያሮስላቭል ክልል)

ግለ ታሪክ፦ የኬሚካል ፋብሪካ ውስጥ የሽያጭ ኃላፊ ነው

በ2000 ከናታሊያ ጋር ተጋቡ። ከይሖዋ ምሥክሮች ጋር የተገናኘው እናቱ ማጥናት በጀመረችበት ወቅት ነው። ለጥያቄዎቹ ሁሉ በቀጥታ ከመጽሐፍ ቅዱስ ላይ መልስ ሲሰጡት በጣም ተደሰተ። በ2007 እሱና ባለቤቱ ተጠመቁ

ሁለት ሴቶች ልጆች አሳድገዋል

የሰጠው ሐሳብ

ችሎት ፊት ስትቀርብ እንድትረጋጋ የረዳህ ምንድን ነው?

ለመጀመሪያ ጊዜ ችሎት ፊት ልቀርብ ስል አንድ ወንድም ግሩም ምክር ሰጥቶኝ ነበር። እንዲህ ነበር ያለኝ፦ “አንድ ነገር አትርሳ፤ ችሎቱ ምንም አለ ምን አንተ በይሖዋ ዓይን ድል አድርገሃል። እዚያ የምትቆመው ሐቅህን ለማረጋገጥ አይደለም፤ ለአምላክ ስምና ለሉዓላዊነቱ ጥብቅና ለመቆም ነው፤ ይህ ታላቅ ክብር ነው!” ከዚያም እንዲህ አለኝ፦ “ወደ ችሎቱ በምትሄድበት ወቅት አባትህ እጅህን ይዞ እየመራህ ያለ ያህል ይሰማሃል። ፍርድ ቤቱ ውስጥም ከጎንህ ይቆማል።” ወንድም የነገረኝን ነገር አሁንም ሳስታውሰው ውስጤ ይበረታል፤ ድፍረት አገኛለሁ፤ በጣም አስፈላጊ ነገር እያከናወንኩ ነው ብዬም አስባለሁ።

የኦሌግ ምሳሌ አንድ ቁም ነገር ያስታውሰናል፤ በይሖዋ ላይ ጠንካራ እምነት ያለው ሰው “ክፉ ወሬ አያስፈራውም። በይሖዋ ስለሚተማመን ልቡ ጽኑ ነው።”—መዝሙር 112:7

የክሱ ሂደት

መጋቢት 2021

ፖሊሶች በድብቅ ይከታተሉት ጀመር። ሳሎኑ ውስጥ የድምፅ መቅጃ በድብቅ ተከሉ፤ ኮምፒውተሩ ላይ የሚያደርገውን እንቅስቃሴም ፎቶ አነሱ
መስከረም 14, 2021

የወንጀል ክስ ተመሠረተበት
መስከረም 21, 2021

ቤቱ ተፈተሸ። ኮምፒውተሩና የግል ፋይሎቹ ለክሱ ማስረጃ ይሆናሉ በሚል ተወረሱበት
ጥቅምት 22, 2021

መኪናው ተወረሰች
ሚያዝያ 11, 2022

ክሱ በፍርድ ቤት መታየት ጀመረ

እነዚህንስ አይተሃቸዋል?

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች