ነሐሴ 12, 2024
ሩሲያ

“ብቻዬን እንደሆንኩ አይሰማኝም”

አጫውት

በክራስኖዳር ግዛት የሚገኘው የቭይሴልኮቭስኪ አውራጃ ፍርድ ቤት፣ በእህት ኢሪና ዚኒና ክስ ላይ በቅርቡ ውሳኔ እንደሚያስተላልፍ ይጠበቃል። አቃቤ ሕጉ እንዲተላለፍባት የሚፈልገውን ብይን ገና አላሳወቀም።

አጭር መግለጫ

ኢሪና ዚኒና

ትውልድ፦ 1987 ((ኖሪልስክ፣ ክራስኖያርስክ ክልል)

ግለ ታሪክ፦ የልብስ ስፌት ባለሙያ ናት

ከቤተሰባቸው ውስጥ መጽሐፍ ቅዱስን ከይሖዋ ምሥክሮች ጋር መጀመሪያ ያጠናችው የኢሪና እናት ልዩድሚላ ናት

ኢሪና የመጽሐፍ ቅዱስን መሠረታዊ ሥርዓት የሚከተሉ ሰዎች የሚመሩትን አስደሳች ሕይወት ስትመለከት አድናቆት አደረባት። በ2001 ተጠመቀች

ልዩድሚላም ሌላ የክስ ፋይል ተከፍቶባት የፍርድ ሂደት ላይ ናት

የሰጠችው ሐሳብ

ይሖዋ እየረዳሽ ያለው እንዴት ነው?

ይሖዋ ይህን ከባድ ሁኔታ መቋቋም እንድችል መንፈሳዊ ወንድሞቼንና እህቶቼን በመጠቀም እየረዳኝ እንደሆነ እርግጠኛ ነኝ። ለእኔና ለቤተሰቤ ይጸልዩልናል፤ እንዲሁም ብዙ ጊዜ ፎቶግራፎች፣ ቪዲዮዎች፣ የሚያጽናኑ ጥቅሶችና ሐሳቦች ይልኩልኛል። እንዲያውም አንዳንዶች ችሎት ፊት በቀረብኩባቸው ወቅቶች ፍርድ ቤቱ ድረስ መጥተዋል። ለሚያደርጉልኝ ነገር ሁሉ በጣም አመስጋኝ ነኝ። የእነሱ ድጋፍ ስላልተለየኝ ብቻዬን እንደሆንኩ አይሰማኝም። ይሖዋና ወንድሞቼ የሚያደርጉልኝ ድጋፍ ማንኛውንም ተፈታታኝ ሁኔታ ለመወጣት እንደሚያስችለኝ አልጠራጠርም።

ይሖዋ ኢሪናንም ሆነ ሁላችንንም ማበርታቱን እንደሚቀጥል እርግጠኞች ነን፤ እኛም በበኩላችን እሱን ለመምሰልና “እርስ በርስ መዋደዳችንን” ለመቀጠል ጥረት እናድርግ።—1 ዮሐንስ 4:7

የክሱ ሂደት

የካቲት 13, 2022

ኢሪና ከወላጆቿ ጋር የምትኖርበት ቤት ተፈተሸ
ግንቦት 23, 2023

የክስ ፋይል ተከፈተባት። ስለ እምነቷ ለሌሎች በመናገሯ ምክንያት ‘በጽንፈኛ ድርጅት እንቅስቃሴዎች ተካፍላለች’ ተብላ ተከሰሰች
ሐምሌ 22, 2023

የጉዞ ገደብ ተጣለባት
የካቲት 8, 2024

ክሱ በፍርድ ቤት መታየት ጀመረ

በተጨማሪም ይህን ተመልከት

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች