በ2017 በሩሲያ በይሖዋ ምሥክሮች ሕጋዊ ማዕከላት ላይ እገዳ ከተጣለበት ጊዜ አንስቶ ባለሥልጣናቱ በመላዋ አገሪቱ በሚገኙ ወንድሞቻችን እና እህቶቻችን ላይ ያለአግባብ ጥቃት እየሰነዘሩ ነው፤ እስካሁን ጥቃት የተሰነዘረባቸው ወንድሞቻችን ከ18 እስከ 89 ባለው ዕድሜ ውስጥ የሚገኙ ናቸው። እስከ ሐምሌ 2021 ድረስ ዕድሜያቸው 60 እና ከዚያ በላይ የሆነ 18 ወንድሞችና እህቶች በሰላማዊ መንገድ አምልኳቸውን በማከናወናቸው ምክንያት ብቻ ወንጀለኛ ተብለው ቅጣት ተበይኖባቸዋል። ከእነዚህ መካከል ሦስቱ በአሁኑ ወቅት እስር ቤት ይገኛሉ። a የ2021 የበላይ አካሉ ሪፖርት ቁጥር 4 በአረጋውያን ወንድሞቻችን እና እህቶቻችን ላይ እየተፈጸመ ስላለው አሰቃቂ ጥቃት ገልጾ ነበር።

ውድ አረጋውያን ወንድሞቻችን የሚደርስባቸውን ስደት የተቋቋሙት እንዴት ነው? አንዳንዶቹ የሰጧቸውን አበረታች ሐሳቦች ስናካፍላችሁ ደስ ይለናል።

በሩሲያ ያሉ ታማኝ አረጋውያን ለተዉት መልካም ምሳሌ አመስጋኞች ነን። ከጽድቅ ጎን ለመቆም የወሰዱት የድፍረት አቋም ሊኮረጅ የሚገባው ነው፤ ይህ አቋማቸው በይሖዋ ዓይን ውብ ነው።—ምሳሌ 16:31