ጥቅምት 31, 2023
ሩሲያ

“አውሎ ነፋሱን አትይ”

አጫውት

“አውሎ ነፋሱን አትይ”

በክራስኖዳር ክልል የሚገኘው የሶቭየትስኪ አውራጃ ፍርድ ቤት ከወንድም አሌክሲ ሌሊኮቭ ክስ ጋር በተያያዘ በቅርቡ ውሳኔውን ያስተላልፋል ተብሎ ይጠበቃል። አቃቤ ሕጉ እንዲተላለፍበት የሚፈልገውን ብይን ገና አላሳወቀም።

አጭር መግለጫ

አሌክሲ ሌሊኮቭ

ትውልድ፦ 1960 (ክራስኖዳር፣ ክራስኖዳር ክልል)

ግለ ታሪክ፦ የሙዚቃ አስተማሪ ሆኖ ሠርቷል

በ1979 ከአይሪና ጋር ትዳር መሠረተ። አንድ ወንድና አንዲት ሴት ልጅ አላቸው

አሌክሲና አይሪና በአምላክ የማያምኑ ነበሩ። በሰብዓዊ አስተሳሰብ ላይ የተመሠረቱ ትምህርቶች ተስፋ አስቆረጡት። በቤተሰብ ደረጃ ከይሖዋ ምሥክሮች ጋር መጽሐፍ ቅዱስን ማጥናት ጀመሩ። ሁለቱም በ1994 ተጠመቁ

የሰጠው ሐሳብ

ጭንቀትህን እንድትቋቋም የረዳህ ምንድን ነው?

ምርመራው ከጀመረ ከጥቂት ወራት በኋላ ወደፊት ስለሚመጣው ነገር በጣም መጨነቅ፣ አልፎ ተርፎም ለራሴ ማዘን እንደጀመርኩ አስተዋልኩ። አውሎ ነፋሱን እንዳየው እንደ ጴጥሮስ ሆኜ ነበር። (ማቴዎስ 14:30) በተለይ አንድ ቀን ምሽት በጣም ተጨንቄ ነበር። ስለዚህ ወደ ይሖዋ አጥብቄ በመጸለይ ልቤን እንዲያረጋጋልኝ ለመንኩት። ከዚያም ያን ምሽት የሰላም እንቅልፍ ተኛሁ። ጠዋት ላይ ግን ጭንቀቱ ተመልሶ መጣ። ስለዚህ በድጋሚ ጸለይኩ፤ እንዲሁም አስተሳሰቤን ለመቆጣጠር ጥረት አደረግኩ። ለራሴ እንዲህ ብዬ ነገርኩት፦ ‘ይሖዋና ኢየሱስ ወዳጆቼ ናቸው፤ ደፋር በመሆንና ጸንቼ በመቆም የእነሱ ወዳጅ እንደሆንኩ ማሳየት አለብኝ። ነገ ስለሚመጣው ነገር አትጨነቅ። አውሎ ነፋሱን አትይ።’ አሁን የይሖዋን ያህል ሰላምና መረጋጋት ሊሰጠን የሚችል አካል እንደሌለ ከምንጊዜውም ይበልጥ ግልጽ ሆኖልኛል።

በወንድማማች ማኅበራችን ውስጥ የምናገኛቸው የጽናት ምሳሌዎች ይሖዋ የሚያጋጥመንን የጭንቀት ‘አውሎ ነፋስ እንደሚያስቆም’ በገባው ቃል ላይ ያለንን እምነት ያጠናክሩልናል።—መዝሙር 107:28, 29

የክሱ ሂደት

ጥር 20, 2022

የክስ ፋይል ተከፈተ
ጥር 28, 2022

የእነ ወንድም አሌክሲ ቤት ተፈተሸ። አሌክሲ ለምርመራ ተወስዶ በዚያኑ ቀን ተለቀቀ
የካቲት 16, 2023

ክሱ በፍርድ ቤት መታየት ጀመረ

እነዚህንስ አይተሃቸዋል?

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች