ነሐሴ 18, 2021
ሩሲያ

እህት ቪክቶሪያ ቨርክሆቱሮቫ ሊፈረድባት ቢችልም ደስታዋን ጠብቃለች

አጫውት

የክሱ ሂደት

ኅዳር 29, 2021 በኒዥኒ ኖቭጎሮድ የሚገኘው የፕሪኦክስኪ አውራጃ ፍርድ ቤት እህት ቪክቶሪያ ቨርክሆቱሮቫን ጥፋተኛ ናት በማለት የአራት ዓመት የገደብ እስራት በየነባት። እርግጥ አሁን እስር ቤት አትገባም
ሐምሌ 17, 2020

በቪክቶሪያ ላይ የጉዞ እገዳ ተጣለባት
መጋቢት 26, 2020

በቪክቶሪያ ላይ የወንጀል ክስ ተመሠረተባት
ሐምሌ 17, 2019

አሥር ሕግ አስከባሪ ባለሥልጣናት ከአንድ መርማሪ ጋር በመሆን ቤቷን ለአምስት ሰዓት ፈተሹ። ቪክቶሪያን እና ባለቤቷን ሰርጌን የተለያየ ክፍል ውስጥ አቆዩአቸው። ባለሥልጣናቱ እስር ቤት ውስጥ ያለውን አስከፊ ሁኔታ ለቪክቶሪያ በመንገር ሊያስፈራሯት ሞከሩ

አጭር መግለጫ

ቪክቶሪያ ቨርክሆቱሮቫ

የትውልድ ዘመን፦ 1976 (ኡዝቤኪስታን)

ግለ ታሪክ፦ ከሦስት ሴት ልጆች መካከል የመጨረሻዋ ነች። ነርስ ነች። መዋኘት እና ተራራ መውጣት ትወዳለች

ከልጅነቷ አንስቶ የሕይወት አጭርነት ያሳስባት ነበር፤ እንዲሁም ሞትን ትፈራ ነበር። በመጽሐፍ ቅዱስ ውስጥ የሚገኘውን የገነት ተስፋ የሚያሳይ ሥዕል ካየችና ሞት እንደሚጠፋ ከተማረች በኋላ ከይሖዋ ምሥክሮች ጋር መጽሐፍ ቅዱስን ለማጥናት ተነሳሳች። በ1998 ተጠመቀች። በ2001 ከሰርጌ ጋር ትዳር መሠረተች።

የሰጠችው ሐሳብ

ደስታሽን ለመጠበቅና ከልክ በላይ በጭንቀት ላለመዋጥ የረዳሽ ምንድን ነው?

በየቀኑ መጽሐፍ ቅዱስን ከማንበብና የዕለቱን ጥቅስ ከማጥናት በተጨማሪ በብሮድካስቶቻችን ላይ የወጡትን ኦሪጅናል መዝሙሮች አዘውትረን መስማት ጀመርን። በተጨማሪም ደስታዬን ለመጠበቅና ወዳጆቼን ለመውደድ እንዲረዳኝ በየቀኑ ለመጸለይ ግብ አወጣሁ። በዚህም ምክንያት ደስታዬን ጠብቄ መኖር ችያለሁ።

በዚህ ፈተና ወቅት ከይሖዋ ጋር ያለሽ ዝምድና የተጠናከረው እንዴት ነው?

ይሖዋ ይበልጥ እውን ሆኖልኛል። አሳቢና ተንከባካቢ አባት ነው። እኔንና ባለቤቴን እንዴት እየደገፈን እንዳለ ማስተዋል ችያለሁ። በፍርድ ቤት ጉዳያችን ሲታይ አባታችን ከጎናችን እንዲሆን እጸልያለሁ፤ ደግሞም ከጎናችን እንደሆነ ተሰምቶኛል። የመረጋጋትና የመተማመን ስሜት ይሰማኛል።

ደስታሽን ጠብቀሽ ለመጽናት የረዳሽ ጥቅስ አለ?

መዝሙር 118:6, 7 ረድቶኛል። ይህ ጥቅስ ጠላቶቻችን ከጽንፈ ዓለሙ ታላቅ ፈጣሪ ጋር ሲወዳደሩ እዚህ ግቡ እንደማይባሉ ያስታውሰኛል። ይሖዋ ሁሉንም ነገር ይቆጣጠራል፤ ሰዎች የእሱ ፈቃድ እንዳይፈጸም ለማገድ ምንም ነገር ማድረግ አይችሉም። በይሖዋ እቅፍ ውስጥ ሆኜ ምንም ነገር አይደርስብኝም!

በሩሲያ ያሉ ወንድሞቻችንና እህቶቻችን ስደት ቢደርስባቸውም በይሖዋ እርዳታ ደስታቸውን መጠበቅ ችለዋል። ይሖዋ ለእነዚህ ውድ ወንድሞቻችን “ደስታንና ሰላምን” መስጠቱን እንደሚቀጥል እርግጠኞች ነን።—ሮም 15:13