ሐምሌ 31, 2024
ሩሲያ

እህት ዩሊያ ግሎባ የገደብ እስራት ተፈረደባት

አጫውት

ሰኔ 25, 2024 በብርያንስክ ክልል የሚገኘው የኡኔሂንስኪ አውራጃ ፍርድ ቤት እህት ዩሊያ ግሎባ ጥፋተኛ ናት የሚል ብይን አስተላልፏል። የሁለት ዓመት ከስድስት ወር የገደብ እስራት ተፈርዶባታል። አሁን ወህኒ አትወርድም።

አጭር መግለጫ

ዩሊያ ግሎባ

ትውልድ፦ 1982 (ዩክሬን)

ግለ ታሪክ፦ የእንግሊዝኛ መምህርት ናት

ስንሞት ምን እንደምንሆን አለማወቋ ይረብሻት ነበር። ከመጽሐፍ ቅዱስ ያገኘችው መልስ አጽናናት። ዩሊያና ሁለት ታናናሽ እህቶቿ በ2003 ተጠምቀው የይሖዋ ምሥክሮች ሆኑ

በ2018 ከኧርነስት ጋር ትዳር መሠረተች

የሰጠችው ሐሳብ

በዚህ ፈታኝ ጊዜ ከይሖዋ ጋር ተጣብቀሽ ለመኖር የረዳሽ ምንድን ነው?

በአንድ ወቅት አንድ ወንድም ለባለቤቴ ለኧርነስትና ለእኔ አንድ ቁም ነገር አስታውሶን ነበር፦ ይህ ስደት፣ መንፈሳዊ እንጂ ሕጋዊ ትግል አይደለም። እኛ እስከጸናን ድረስ በይሖዋ ፊት ድል አድራጊዎች ነን። ሁኔታውን በዚህ መንገድ መመልከቴ እንዳልሸበርና የአእምሮ ሰላም እንዲኖረኝ ረድቶኛል። ከይሖዋ ጎን መቆም በመቻሌ እኮራለሁ።

ጸሎትም ይረዳኛል። በየዕለቱ ምሽት ላይ በዚያ ቀን ያገኘኋቸውን በረከቶች በዝርዝር እጽፋለሁ። ከዚያም ይሖዋ በዚህ መንገድ ፍቅሩን ስላሳየኝ ጊዜ ወስጄ በመጸለይ አመሰግነዋለሁ፤ እንዲሁም ልቤን በፊቱ አፈስሳለሁ። ይህም ይሖዋ ምንጊዜም ቅርቤ እንደሆነና ጎንበስ ብሎ በፍቅር እቅፍ እንደሚያደርገኝ እንድተማመን ያደርገኛል።

እኛም ይሖዋ አስተማማኝ መጠጊያችን እንደሆነ በመተማመን ‘ልባችንን በፊቱ ማፍሰስ’ በመቻላችን አመስጋኞች ነን።—መዝሙር 62:7, 8

የክሱ ሂደት

ግንቦት 31, 2023

የክስ ፋይል ተከፈተባት
ሰኔ 22, 2023

ቤታቸው ተፈተሸ። ዩሊያና ኧርነስት ምርመራ ተደረገባቸው
መስከረም 28, 2023

የጉዞ እገዳ ተጣለባት
ጥር 31, 2024

ክሷ በፍርድ ቤት መታየት ጀመረ
ሰኔ 25, 2024

ጥፋተኛ ናት የሚል ፍርድ ተላልፎባት የሁለት ዓመት ከስድስት ወር የገደብ እስራት ተፈረደባት

በተጨማሪም ይህን ተመልከት

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች