ታኅሣሥ 6, 2023
ሩሲያ

“እውነተኛ እምነትን ሊያጠፋ የሚችል አንድም ፈተና የለም”

አጫውት

በኬሜሮቮ ክልል የሚገኘው የካልታንስኪ አውራጃ ፍርድ ቤት፣ ከወንድም አሌክሳንደር ሲኩኖቭ ጉዳይ ጋር በተያያዘ በቅርቡ ውሳኔ ያስተላልፋል ተብሎ ይጠበቃል። አቃቤ ሕጉ እንዲተላለፍበት የሚፈልገውን ብይን ገና አላሳወቀም።

አጭር መግለጫ

አሌክሳንደር ሲኩኖቭ

ትውልድ፦ 1967 (ካልታን)

ግለ ታሪክ፦ ሲቪል መሐንዲስ ሆኖ ሠርቷል

በ1989 ከየሌና ጋር ትዳር መሠረተ

በአምላክ መኖር አያምንም ነበር። አብሮት ይሠራ የነበረ አንድ የይሖዋ ምሥክር ስለ መጽሐፍ ቅዱስ ነገረው። አሌክሳንደር ሙሉውን መጽሐፍ ቅዱስ በስድስት ወር ውስጥ አንብቦ ጨረሰ፤ ከዚያም ለማጥናት ተስማማ። በ1997 ተጠመቀ። እውነትን ለእናቱ፣ ለታላቅ እህቱና ለባለቤቱ የነገራቸው ሲሆን ሁሉም የይሖዋ ምሥክሮች ሆነዋል

የሰጠው ሐሳብ

በዚህ አስቸጋሪ ወቅት ይበልጥ የረዳህ የመጽሐፍ ቅዱስ ዘገባ የቱ ነው?

የነቢዩ ዳንኤል ምሳሌ በጣም አበረታቶኛል። ዳንኤል 6:4, 5 እንዲህ ይላል፦ “በዚህ ጊዜ ከፍተኛ ባለሥልጣናቱና የአውራጃ ገዢዎቹ ከመንግሥት ጉዳዮች ጋር በተያያዘ ዳንኤልን ለመክሰስ የሚያስችል ሰበብ ለማግኘት ይከታተሉት ነበር፤ ሆኖም ዳንኤል እምነት የሚጣልበት ስለነበርና ምንም ዓይነት እንከንና ጉድለት ስላልነበረበት በእሱ ላይ አንዳች ሰበብ ወይም ጉድለት ሊያገኙ አልቻሉም። በመሆኑም ‘ከአምላኩ ሕግ ጋር በተያያዘ ካልሆነ በቀር ዳንኤልን ለመክሰስ ምንም ዓይነት ሰበብ ልናገኝ አንችልም’ አሉ።” ሰዎቹ ዳንኤልን ለመክሰስ የሚያስችል ምንም ነገር ስላላገኙበት በእምነቱና ለአምላክ በሚያቀርበው አምልኮ መጡበት። ሊያጠምዱት ስለፈለጉ በዓይነ ቁራኛ ይከታተሉት ነበር። እሱ ግን እንደ ሁልጊዜው ይሖዋን ማምለኩን ቀጥሏል። በዘመናት ሁሉ እንደ ዳንኤል ያሉ ታማኝ የይሖዋ አገልጋዮች ያረጋገጡት ሐቅ ቢኖር ይህ ነው፦ እውነተኛ እምነትን ሊያጠፋ የሚችል አንድም ፈተና የለም። የዳንኤል ምሳሌ እኔም በተቻለኝ መጠን ራሴን ለይሖዋ በማቀርበው አምልኮ እንዳስጠምድ አነሳስቶኛል።

በይሖዋ እና በልጁ በኢየሱስ ክርስቶስ ላይ እምነት ጥሎ የሚያፍር እንደሌለ ያስመሠከሩ ብዙ የእምነት ምሳሌዎች ስላሉን በጣም አመስጋኞች ነን።—ሮም 10:11

የክሱ ሂደት

ሚያዝያ 27, 2021

የወንጀል ክስ ተመሠረተ
ግንቦት 2, 2021

ቤቱ ተፈተሸ። በቁጥጥር ሥር ውሎ ወደ ማረፊያ ቤት ተላከ
ግንቦት 4, 2021

ከማረፊያ ቤት ተለቆ የቁም እስረኛ ተደረገ
ሰኔ 24, 2021

ከቁም እስር ተለቅቆ የጉዞ እገዳ ተጣለበት
ሐምሌ 25, 2023

ጉዳዩ በፍርድ ቤት መታየት ጀመረ

እነዚህንስ አይተሃቸዋል?

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች