ግንቦት 9, 2024
ሩሲያ

‘ከችግሮቼ ባሻገር እመለከታለሁ’

አጫውት

በክራስናያርስክ ግዛት የሚገኘው የሌሶሲቢርስክ ከተማ ፍርድ ቤት፣ በወንድም አንድሬ ሺያን ክስ ላይ በቅርቡ ውሳኔ እንደሚሰጥ ይጠበቃል። አቃቤ ሕጉ እንዲተላለፍ የሚፈልገውን ብይን ገና አላሳወቀም።

አጭር መግለጫ

አንድሬ ሺያን

ትውልድ፦ 1969 (ሌሶሲቢርስክ፣ ክራስናያርስክ ግዛት)

ግለ ታሪክ፦ የጉምሩክ ባለሙያ ሆኖ ሠርቷል

በ1992 ከኢና ጋር ተጋቡ። አንዲት ሴት ልጅ አለቻቸው

ኢና፣ እናቷና ታናሽ ወንድሟ ከይሖዋ ምሥክሮች ጋር ማጥናት ጀመሩ። አንድሬ በስብሰባ ላይ ከተገኘ በኋላ መጽሐፍ ቅዱስ ግልጽና ምክንያታዊ መጽሐፍ መሆኑ ማረከው

ኢና በ2001፣ አንድሬ ደግሞ በ2002 ተጠመቁ

የሰጠው ሐሳብ

የአእምሮ ሰላምህን እንዳታጣ የረዳህ ምንድን ነው?

በሮም 15:13 ላይ የተጠቀሰውን ሐሳብ እውነተኝነት በራሴ ተሞክሮ አይቻለሁ፤ ጥቅሱ “በእሱ በመታመናችሁ የተነሳ በመንፈስ ቅዱስ ኃይል ተስፋ እንዲትረፈረፍላችሁ ተስፋ የሚሰጠው አምላክ ደስታንና ሰላምን ሁሉ ይሙላባችሁ” ይላል። ለመጽናት የረዳኝ በተስፋው ላይ ማሰላሰሌ ነው። የፍርሃትና የጥርጣሬ ደመና ማንዣበብ ሲጀምር በአእምሮዬ ወደ አዲሱ ሥርዓት እጓዛለሁ። በዓይነ ሕሊናዬ ራሴን እዚያ በሣልኩት መጠን ፈተናው ያሳደረብኝ ጭንቀት እየቀነሰ ይሄዳል። ይህ ደግሞ አቅም ይሰጠኛል፤ ከችግሮቼ ባሻገር እንድመለከትና እኔን ብቻ ሳይሆን ሁላችንንም የሚጠብቀን ብሩህ ተስፋ ከአእምሮዬ እንዳይጠፋ ይረዳኛል።

እንደ አንድሬ ሁሉ እኛም ይሖዋ በሰጠን ተስፋ መጽናኛና ብርታት እናገኛለን፤ ‘ቃሉ ተስፋችን ነው’።—መዝሙር 119:114

የክሱ ሂደት

ኅዳር 25, 2021

ቤቱ ተፈተሸ
ሚያዝያ 11, 2023

ቤቱ እንደገና ተፈተሸ። የወንጀል ክስ ተመሠረተበት። የጉዞ እገዳዎች ተጣሉበት
ታኅሣሥ 29, 2023

ክሱ በፍርድ ቤት መታየት ጀመረ

እነዚህንስ አይተሃቸዋል?

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች