ሐምሌ 26, 2021
ሩሲያ

ወቅታዊ መረጃ | “ስደት ወደ ይሖዋ ይበልጥ እንድቀርብ ረድቶኛል”

አጫውት

ሚያዝያ 20, 2022 የክራስኖዳር ክልላዊ ፍርድ ቤት ወንድም ቭላዲሚር ስካቺዱብ ያቀረበውን ይግባኝ ውድቅ አደረገ። አሁንም እስር ቤት ይገኛል።

የክሱ ሂደት

ጥቅምት 11, 2021 በክራስኖዳር ክልል የሚገኘው የፓቭሎቭስኪ አውራጃ ፍርድ ቤት ቭላዲሚር ጥፋተኛ ነው ብሎ በመወሰን የአራት ዓመት ከሁለት ወር እስራት በየነበት
ታኅሣሥ 30, 2020

ክሱ በፍርድ ቤት መታየት ጀመረ
ሐምሌ 23, 2020

በሩሲያ መንግሥት የጽንፈኞች ዝርዝር ውስጥ ተካተተ
ሰኔ 23, 2020

በስብከቱ ሥራ በመካፈሉ ምክንያት የወንጀል ክስ ተመሠረተበት

አጭር መግለጫ

ቭላዲሚር ስካቺዱብ

የትውልድ ዘመን፦ 1961 (ፓቭሎቭስካያ፣ ክራስኖዳር ክልል)

ግለ ታሪክ፦ የውትድርና አገልግሎት ከሰጠ በኋላ በታጋንሮግ፣ ሮስቶቭ ክልል ውስጥ በሚገኝ ትምህርት ቤት የሬዲዮ ምሕንድስና ትምህርት ተከታትሏል። በ25 ዓመቱ ወላጆቹን በሞት አጣ። በዚህ ጊዜ እህቱን ናታሊያን ለመንከባከብ ወደ ትውልድ ቦታው ተመለሰ፤ በወቅቱ እህቱ 15 ዓመቷ ነበር። ናታሊያ በደም ካንሰር የተነሳ በ2003 ሕይወቷ አለፈ። ቭላዲሚር የመኪና ክፍሎች በሚያመርት ፋብሪካ ውስጥ ይሠራ ነበር። ፎቶግራፍ ማንሳትና ጊታር መጫወት ይወዳል

የይሖዋ ምሥክሮች ናታሊያን እና ጓደኛዋን ገሊናን ባነጋገሯቸው ወቅት ቭላዲሚር ስለ መጽሐፍ ቅዱስ የማወቅ ፍላጎት አደረበት። ስለ ፍጥረት የተሰጠው ማብራሪያ ስላስገረመው ከጊዜ በኋላ መጽሐፍ ቅዱስን ማጥናት ጀመረ። ትምባሆ ማጨስና ከመጠን በላይ አልኮል መጠጣት አቆመ። በ1997 ከገሊና ጋር ትዳር መሠረተ። በ1998 ተጠመቀ፤ ገሊና ደግሞ በ2016 ተጠመቀች

የሰጠው ሐሳብ

በዚህ ፈተና ወቅት ይሖዋ ምን እንዲያደርግልህ ትጸልይ ነበር?

መንፈስ ቅዱስን፣ አመራሩን እንዲሁም ከሰብዓዊ ኃይል በላይ የሆነ ኃይል እንዲሰጠኝ እጸልይ ነበር። የወንጀል ምርመራው መካሄድ በጀመረበት ወቅት . . . ከመርማሪው ጋር ስነጋገር የይሖዋን ስም ማስቀደስ እንድችል ጸልዬ ነበር። መርማሪው ለመጨረሻ ጊዜ ሲያነጋግረኝ ምግባሬ የሚያስከብር እንደነበር በመግለጽ አመሰገነኝ።

በዚህ ፈተና ውስጥ ስታልፍ፣ ወደፊት ለሚያጋጥሙህ ፈተናዎች የሚረዳህ ምን ትምህርት አግኝተሃል?

የደረሰብኝ ስደት ወደ ይሖዋ ይበልጥ እንድቀርብ ረድቶኛል፤ እንዲሁም በአስቸጋሪ ሁኔታ ውስጥ ስሆን ተስፋ ከመቁረጥ ይልቅ በይሖዋ ሙሉ በሙሉ መታመን እንዳለብኝ አስተምሮኛል።

እንደ ቭላዲሚር ሁሉ እኛም ይሖዋ “በትዕግሥትና በደስታ ሁሉንም ነገር በጽናት [እንዲቋቋም]” እንደሚረዳው እንተማመናለን።—ቆላስይስ 1:11

እነዚህንስ አይተሃቸዋል?

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች