ታኅሣሥ 27, 2022 | የታደሰው፦ መጋቢት 27, 2023
ሩሲያ

ወቅታዊ መረጃ—ቅጣት ተጣለበት | “ፈተናዎች ሲያጋጥሙን ይሖዋ ጠንካራ ያደርገናል”

አጫውት

መጋቢት 23, 2023 በሙርማንስክ ክልል የሚገኘው የአፓቲቲ ከተማ ፍርድ ቤት ወንድም ዴኒስ ሜርኩሎቭ ጥፋተኛ ነው የሚል ብይን አስተላልፏል። የ500,000 ሩብልስ ($6,485.00 የአሜሪካ ዶላር) ቅጣት ተጥሎበታል።

አጭር መግለጫ

ዴኒስ ሜርኩሎቭ

የትውልድ ዘመን፦ 1976 (ኪሮቭስክ፣ ሙርማንስክ ክልል)

ግለ ታሪክ፦ በያጅና የኤሌክትሪክ ባለሙያ ነው

ሞት የሰው ልጆች የማይቀርላቸው ዕጣ ፈንታ መሆኑ ይረብሸው ነበር። ከይሖዋ ምሥክሮች ጋር ሲያጠና አምላክ ለሰው ልጆች ያለውን ዓላማ ተማረ፤ ይህም በጣም አስደነቀው። በ1995 ተጠመቀ። በ1998 ከናታሊያ ጋር ተጋቡ

የሰጠው ሐሳብ

የገጠመህ ነገር ስለ ራስህ ምን አስተምሮሃል?

ፈተናዎች በራሳቸው በጎ ውጤት እንደማያስገኙ አስተውያለሁ። በዕለት ተዕለት ሕይወቴ በይሖዋ መታመኔ ነው እንድጸና የሚረዳኝ። ሁሌም ራሴን እንዲህ እያልኩ እጠይቃለሁ፦ ‘በየቀኑ ውሳኔ ሳደርግ ወይም ግቦች ሳወጣ በይሖዋ ምን ያህል እታመናለሁ? መጽሐፍ ቅዱስ ለማንበብ፣ ለስብሰባዎች ለመዘጋጀትና ምሥራቹን ለመስበክ ምን ያህል ጊዜ እመድባለሁ?’ እንዲህ ያለ ሕይወት የሚያመሰቃቅል ነገር ሲመጣ መረጋጋትና መጽናት የምችለው ይሖዋ የቅርብ ወዳጄ ከሆነና ጠንካራ እምነት ካለኝ ነው።

ልዩ ትርጉም የሰጠህ የመጽሐፍ ቅዱስ ጥቅስ ይኖራል?

ከመታሰሬ በፊት ባለው ምሽት እኔና ባለቤቴ በኢሳይያስ 41:10 ላይ ተወያይተን ነበር። ጥቅሱ እንዲህ ይላል፦ “እኔ ከአንተ ጋር ነኝና አትፍራ። እኔ አምላክህ ነኝና አትጨነቅ። አበረታሃለሁ፤ አዎ እረዳሃለሁ፤ በጽድቅ ቀኝ እጄ አጥብቄ እይዝሃለሁ።” በቀጣዩ ቀን ጣቢያ ሲያሳድሩኝ ይህን ጥቅስ በተደጋጋሚ ለራሴ አልኩት። እያንዳንዱን ሐረግ ካልኩ በኋላ ቆም እልና ቃላቱን በጸሎት አሰላስልባቸዋለሁ። በዚህ ጊዜ ይሖዋ ራሱ እነዚህን ቃላት የነገረኝ ያህል ሆኖ ይሰማኛል። አንድ የተገነዘብኩት ነገር ቢኖር፣ ይሖዋ በፈተናዎች ውስጥ እንድናልፍ የሚፈቅደው ጠንካሮች ስለሆንን አይደለም። በአንጻሩ ፈተናዎች ሲያጋጥሙን ይሖዋ ጠንካራ ያደርገናል።

ምንም ዓይነት ፈተና ቢያጋጥመን የሚያጽናናን አንድ ነገር አለ፤ ይሖዋን የቅርብ ወዳጃችን ካደረግነውና ከታመንንበት ‘ያጠነክረናል፤ አጽንቶም ያቆመናል።’—1 ጴጥሮስ 5:10

የክሱ ሂደት

ሐምሌ 21, 2021

በአፓቲቲ እና በአቅራቢያዋ ያሉ 14 የይሖዋ ምሥክሮች ቤቶች ተፈተሹ። የፌዴራል የደህንነት ፖሊሶች የእነዴኒስን መኖሪያ ቤት በኃይል ሰብረው ከገቡ በኋላ ባልና ሚስቱን ለጥያቄ ወሰዷቸው። ከሌሊቱ 10:00 ላይ ለቀቋቸው
ሐምሌ 22, 2021

ፖሊሶቹ፣ ዴኒስ ወደ መርማሪው ቢሮ ተመልሶ እንዲመጣ ጠሩት። ጣቢያ እንዲያድር ተደረገ
ሐምሌ 23, 2021

ከጣቢያ ተለቅቆ የቁም እስረኛ ተደረገ
መስከረም 17, 2021

ከቁም እስር ተፈታ፤ የጉዞ ክልከላዎች ተጣሉበት
ሐምሌ 15, 2022

“መዝሙር ዘምረሃል” እንዲሁም “ወደ ይሖዋ አምላክ ጸልየሃል” በሚል በይፋ ክስ ተመሠረተበት፤ የተወነጀለበት ክስ የጽንፈኛ ድርጅትን እንቅስቃሴ ማስተባበር የሚል ነው
መስከረም 20, 2022

ክሱ በፍርድ ቤት መታየት ጀመረ

እነዚህንስ አይተሃቸዋል?

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች